हटके लूकमुळे प्राजक्ता माळी पुन्हा चर्चेत

prajakta mali मराठी चित्रपटसृष्टीतील लोकप्रिय आणि बहुगुणी अभिनेत्री प्राजक्ता माळी पुन्हा एकदा चर्चेचा विषय ठरली आहे. यावेळी कारण तिचा हटके आणि साधा लूक. नेहमीच आपल्या ग्लॅमरस अंदाजाने, स्पष्टवक्तेपणाने आणि प्रामाणिक व्यक्तिमत्त्वाने चाहत्यांना मोहून टाकणारी प्राजक्ता, अलीकडेच ‘बाप तुझ्यापायी’ या वेब सीरिजच्या प्रीमियर सोहळ्यात अगदी साध्या वेशभूषेत दिसली.

 

 

मुंबईत prajakta mali नुकताच झालेल्या या कार्यक्रमात सर्व कलाकार पारंपारिक आणि झगमगत्या लूकमध्ये उपस्थित होते. मात्र, प्राजक्ता माळीने नेहमीच्या डिझायनर पोशाखांऐवजी पांढऱ्या रंगाचा साधा शर्ट आणि जीन्स असा लूक निवडला. तिच्या या ‘नो मेकअप’ आणि अत्यंत नॅचरल अंदाजाने सर्वांचे लक्ष वेधून घेतले. रेड कार्पेटवर तिची एन्ट्री होताच उपस्थित फोटोग्राफर्स आणि चाहत्यांमध्ये हलकासा गोंधळ निर्माण झाला.प्राजक्ताला या बदललेल्या लूकबद्दल विचारले असता, ती हसत म्हणाली, “मी आज अशा अवतारात आले आहे!” तिच्या या बिनधास्त उत्तराने उपस्थित मीडियानेही टाळ्या वाजवत तिच्या आत्मविश्वासाचे कौतुक केले. काही क्षणांतच तिचा हा व्हिडिओ सोशल मीडियावर व्हायरल झाला आणि तिच्या साधेपणाबद्दल प्रेक्षकांनी सकारात्मक प्रतिक्रिया दिल्या. अनेकांनी तिच्या नैसर्गिक आणि प्रामाणिक व्यक्तिमत्त्वाचे कौतुक केले, तर काहींनी मात्र या लूकवरून तिला ट्रोल करण्याचाही प्रयत्न केला.

 

 

नेहमीच ग्लॅमरस prajakta mali भूमिकांमध्ये झळकणारी प्राजक्ता या वेळी पूर्णपणे वेगळ्या अंदाजात दिसली. तिचा हा साधा अवतार चाहत्यांना आवडला असला तरी काहींनी विचारले, “अशा भव्य कार्यक्रमाला एवढा साधा लूक का?” तरीसुद्धा, प्राजक्ताने आपल्या आत्मविश्वासाने आणि सहजतेने सर्वांची मने जिंकली हे नक्की.कामाच्या आघाडीवर बोलायचे झाल्यास, प्राजक्ता माळीचा शेवटचा ‘फुलवंती’ हा चित्रपट प्रेक्षकांच्या पसंतीस उतरला. या चित्रपटात तिने केवळ मुख्य भूमिका साकारली नाही, तर निर्मात्याची भूमिकाही समर्थपणे पार पाडली. सध्या ती सोनी मराठीवरील लोकप्रिय कार्यक्रम ‘महाराष्ट्राची हास्यजत्रा’चे सूत्रसंचालन करत आहे. तसेच, तिचा अध्यात्मिक प्रवास आणि ट्रॅव्हलिंगविषयीचे तिचे अनुभव हेही सोशल मीडियावर चर्चेचे विषय ठरतात.साधेपणातून आत्मविश्वास कसा झळकवायचा, हे प्राजक्ताने पुन्हा एकदा सिद्ध केले आहे. तिचा हा हटके लूक जसा चर्चेत आला आहे, तसाच तिच्या व्यक्तिमत्त्वातील प्रामाणिकपणाचाही पुन्हा एकदा पुरावा ठरला आहे.