शनीचा विशेष योग; कर्क, सिंह, कुंभसह या राशींचं नशीब उजळणार!

Special Yoga of Saturn दीर्घ प्रतीक्षेनंतर अखेर कर्मफलदाता शनि आपली वक्री चाल थांबवून पुन्हा थेट मार्गावर येणार आहे. येत्या २८ नोव्हेंबर २०२५ रोजी शनि सुमारे १३८ दिवसांच्या वक्री अवस्थेनंतर थेट मीन राशीत प्रवेश करेल. ज्योतिषशास्त्रानुसार, शनिचं हे संक्रमण अत्यंत महत्त्वाचं असून, सुमारे पाच वर्षांनंतर असा विशेष योग घडत आहे. या बदलाचा परिणाम केवळ ग्रहांच्या स्थितीवरच नव्हे, तर मानवी जीवनाच्या अनेक क्षेत्रांवर करिअर, व्यवसाय, अर्थकारण आणि वैयक्तिक संबंधांवर खोलवर जाणवेल.

 

 

 

शनीला न्यायाचा देव मानलं जातं. तो कर्मानुसार फल देतो आणि शिस्त, संयम आणि कठोर परिश्रमाचं प्रतीक आहे. त्यामुळे त्याचं थेट होणं म्हणजे कर्मांच्या परिणामांचा वेग वाढणं असं मानलं जातं. यावेळी अनेक राशींवरून साडेसाती आणि धैय्याचा प्रभाव कमी होणार असून काही राशींना मोठा दिलासा मिळेल. या शनिच्या संक्रमणाचा सर्वाधिक सकारात्मक प्रभाव कर्क, सिंह, कुंभ आणि मीन राशींवर दिसून येईल.

तथापि, तूळ आणि मिथुन राशीच्या लोकांनी सावध राहणं आवश्यक आहे. त्यांच्या जीवनात अजून काही अडथळे, जबाबदाऱ्या आणि मानसिक दडपण टिकून राहू शकतात. ज्योतिषांच्या मते, शनिचं थेट संक्रमण म्हणजे कर्मांच्या परिणामांचा वेग वाढतो. त्यामुळे या काळात जे परिश्रम, प्रामाणिकपणा आणि संयम पाळतील त्यांना शुभ फळं मिळतील; तर आळशी, निष्काळजी किंवा अन्याय करणाऱ्यांना शनिच्या कठोर परीक्षांना सामोरं जावं लागू शकतं.