राहुल गांधींचा खोटारडेपणा उघड! मतदान चोरीचा दावा ठरला फुसका

rahul-gandhi-lies-exposed काँग्रेसचे नेते आणि लोकसभेतील विरोधी पक्षनेते राहुल गांधी यांनी पुन्हा एकदा निवडणूक प्रक्रियेवर मोठा आरोप करत दावा केला आहे की हरियाणा विधानसभा निवडणुकीत (2024) मोठ्या प्रमाणात मतदान चोरी झाली आहे. त्यांनी निवडणूक आयोगावर बनावट मतदानाला प्रोत्साहन दिल्याचा आरोप केला आहे. मात्र, त्यांच्या या दाव्यांची चौकशी झाल्यानंतर पूर्ण वेगळे वास्तव समोर आले आहे.

 

 

राहुल गांधींनी उदाहरण देत म्हटले होते की, पलवल जिल्ह्यातील होडल भागात एका घरातून ६६ मतदार आणि दुसऱ्या घरातून तब्बल ५०१ मतदार नोंदवले गेले आहेत. तसेच सोनीपत जिल्ह्यातील राय क्षेत्रात एका ब्राझिलियन महिलेचा फोटो वापरून २२ वेळा मतदान झाले, असेही त्यांनी सांगितले होते. rahul-gandhi-lies-exposed पण प्रत्यक्ष तपासात या सर्व दाव्यांची हवा निघून गेली आहे. एका वृत्तानुसार, राहुल गांधींनी ज्यांचा उल्लेख केला त्या गुडराना गावातील घर क्रमांक १५० आणि २६५ या ठिकाणांची चौकशी करण्यात आली. त्यात आढळले की घर क्रमांक १५० हे भाजपा जिल्हा परिषद उपाध्यक्ष उमेश गुडराना यांच्या कुटुंबाचे आहे. हे एक मोठे प्लॉट असून त्यावर अनेक कुटुंबे राहतात आणि त्यांच्यात बहुतेक नातेवाईक आहेत. त्यामुळे सर्व मतदार एकाच पत्त्यावर म्हणजे १५० क्रमांकावर नोंदवले गेले आहेत.

उमेश गुडराना यांचे नातेवाईक राजपाल गुडराना यांनी सांगितले की, आमचे पूर्वज सुमारे ८० वर्षांपूर्वी सीहा गावातून येथे स्थलांतरित झाले. आता चार पिढ्या या भूमीवर राहतात. प्रशासनिक कारणांमुळे संपूर्ण कुटुंबाचे मतदार एकाच घर क्रमांक १५० वर नोंदले गेले आहेत. याचप्रमाणे, घर क्रमांक २६५ हेही एखादे एकच घर नसून सुमारे २०० घरे आणि तीन खासगी शाळांचा मोठा भाग आहे, असे तपासात स्पष्ट झाले. rahul-gandhi-lies-exposed तेथील रहिवासी किश्नी देवी आणि तिचा मुलगा पवन यांनी सांगितले की, पूर्वी ही जमीन शेतीसाठी वापरली जात होती, पण काळानुसार अनेक घरे बांधली गेली आणि तरीही सर्वांच्या मतदार ओळखपत्रांमध्ये जुना क्रमांक २६५च कायम आहे. या मतदारसंघात काँग्रेसचे उमेदवार उदय भान यांना भाजपाचे हरिंदर सिंग यांनी २,५९५ मतांनी पराभूत केले होते.

राहुल गांधींनी राय मतदारसंघातील ब्राझिलियन महिलेच्या फोटोचा वापर करून २२ वेळा मतदान झाल्याचा आरोप केला होता. मात्र, चौकशीत असे चार भारतीय महिला मतदार सापडल्या ज्यांच्या मतदार ओळखपत्रांमध्ये तीच छायाचित्र होती. त्यांनी स्पष्ट सांगितले की त्यांनी नियमितपणे मतदान केले आणि राहुल गांधींच्या वक्तव्यानंतरच त्यांना या प्रकरणाची माहिती मिळाली. अशा प्रकारे राहुल गांधींचा मतदान चोरीचा दावा पूर्णपणे खोटा ठरला आहे आणि त्यांच्या ‘एक्सपोज’ने काँग्रेसचीच अडचण वाढवली आहे.