जरीन खान यांचे ८१ व्या वर्षी हृदयविकाराने निधन!

Zareen Khan passes away बॉलिवूड अभिनेता संजय खान यांच्या पत्नी आणि सुझान व झायेद खान यांच्या आई जरीन खान यांचे ८१ व्या वर्षी मुंबईतील त्यांच्या घरी हृदयविकाराच्या झटक्याने निधन झाले. दीर्घकाळ आजारी असलेली जरीन काही काळापासून प्रकृतीच्या तक्रारींनी त्रस्त होती. त्यांच्या निधनाने फक्त कुटुंबातच नव्हे, तर चित्रपटसृष्टी आणि चाहत्यांमध्येही शोककळा पसरली आहे.

 

 

जरीन खान यांच्या पश्चात त्यांचा पती संजय खान, ज्येष्ठ अभिनेता आणि चित्रपट निर्माता, तसेच मुले सुझान खान, सिमोन अरोरा, फराह अली खान आणि अभिनेता झायेद खान यांचा परिवार आहे. संजय खानशी लग्न करण्यापूर्वी जरीनने ‘तेरे घर के सामने’ आणि ‘एक फूल दो माली’ यासारख्या काही चित्रपटांमध्ये काम केले होते. दोघांची पहिली भेट एका बस स्टॉपवर झाली होती आणि हळूहळू प्रेमात पडून त्यांचा विवाह झाला. जरीन खान यांच्या निधनामुळे त्यांच्या चाहत्यांमध्येही दुःखाची लाट पसरली आहे. अनेकांनी सोशल मीडियावर आपल्या भावना व्यक्त करत श्रद्धांजली दिली, तर चित्रपटसृष्टीतील मित्र आणि सहकारी देखील त्यांच्या निधनाबद्दल शोक व्यक्त करत आहेत. त्यांच्या योगदानाची आठवण चित्रपटप्रेमींमध्ये कायम राहणार आहे.