फेरीवाल्यांचे पुन्हा अतिक्रमण:वाहतूक कोंडी वाढली

traffic congestion increases अकोला-शहरातील मुख्य रस्त्यांवर फेरीवाल्यांचे होणारे अतिक्रमण बघता,मनपाने हॉकर्स झोनची निर्मिती केली.मात्र दिवाळी बाजार उठत नाही तोच पुन्हा फेरीवाल्यांनी गांधी मार्गावर अतिक्रमण थाटले आहे.त्यामुळे रस्त्यांवर वाहतूक कोंडीची समस्या निर्माण झाली आहे.फेरीवाल्यांच्या या प्रकाराला स्थानिक आमदाराचे पाठबळ असल्याची चर्चा बाजारपेठेत आहे.

 

 

 

 

 

गांधी रोड, टिळक रोड, मोहम्मद अली रोड, न्यू कापड बाजार या मुख्य व्यापारी भागात पुन्हा फेरीवाल्यांची दुकाने रस्त्यांच्या दुतर्फा उभी राहिली आहेत. परिणामी रस्त्यांवर वाहतूक कोंडी होत असून, पादचारी आणि वाहनचालक त्रस्त झाले आहेत.दिवाळीपूर्वी अतिक्रमण हटवल्यानंतर रस्ते मोकळे झाले होते. पण आता परिस्थिती पुन्हा पूर्ववत झाली आहे. रस्त्यांवरून चालणे कठीण झाले आहे. मनपाने मोठ्या खर्चाने ‘हॉकर्स झोन’ विकसित केला.traffic congestion increases फेरीवाल्यांनी काही दिवसांतच तेथून माघार घेतली असून, आजरोजी फक्त दहा ते बारा फेरीवाले उरले आहेत,बाकीचे पुन्हा मुख्य रस्त्यांवर परतले आहेत. महापालिका व पोलिस प्रशासनाकडून पुन्हा अतिक्रमणाच्या प्रश्नावर दुर्लक्ष होत असल्याने आधीचीच परिस्थिती पुन्हा निर्माण झाल्याची वस्तुस्थिती आहे.