अण्णा हजारे आमरण उपोषणाला बसणार!

Anna Hazare's indefinite hunger strike ज्येष्ठ समाजसेवक अण्णा हजारे यांनी लोकायुक्त विधेयकाच्या अंमलबजावणीसाठी पुन्हा उपोषणाची तयारी सुरू केली आहे. ३० जानेवारी २०२६ पासून ते राळेगणसिद्धी येथील यादवबाबा मंदिरात आमरण उपोषण करणार असल्याचे त्यांनी मुख्यमंत्री देवेंद्र फडणवीस यांना पत्राद्वारे कळवले आहे. लोकायुक्त कायदा विधानसभेत २८ डिसेंबर २०२२ आणि विधानपरिषदेत १५ डिसेंबर २०२३ रोजी मंजूर झाला, मात्र अद्याप त्याची अंमलबजावणी झाली नाही. अण्णा हजारे यांनी पत्रात म्हटले आहे की, हा प्रश्न वैयक्तिक नाही, तर देशातील भ्रष्टाचार रोखण्याचा प्रश्न आहे.

 

 

 

 

दोन वर्षानंतरही विधेयक लागू न झाल्यामुळे सरकारची इच्छाशक्ती शंका निर्माण करते. त्यांनी ठळकपणे सांगितले की, देश आणि समाजाच्या हितासाठी मृत्यू येत असल्यास ते स्वीकारतील, आणि जर सरकारने लोकायुक्त कायद्याची अंमलबजावणी केली नाही तर ते राळेगणसिद्धीतील संत यादवबाबा मंदिरात उपोषणाला बसतील. अण्णा हजारे यांचा हा निर्णय लोकायुक्त कायद्याच्या प्रभावी अंमलबजावणीसाठी दबाव निर्माण करण्याचा प्रयत्न मानला जात आहे.