ईटीएस मोजणी करून दोन महिन्यात अहवाल सादर करा

ETSS counting, वर्धा-यवतमाळ-नांदेड या रेल्वे प्रकल्पातील गौण खनीज गैरप्रकार प्रकरणी ईटीएस मोजणी करुन दोन महिण्यात अहवाल सादर करण्याचे निर्देश विधानसभा उपाध्यक्ष अण्णा बनसोडे यांनी दिले आहे. नागपूर येथील हिवाळी अधिवेशनादरम्यान 11 डिसेंबर रोजी आयोजित बैठकीत बनसोडे यांनी उपस्थित अधिकाèयांना हे आदेश दिले.

 

 

वर्धा-यवतमाळ-नांदेड रेल्वे प्रकल्पातील कोट्यवधी रुपयांचा गौण खनिज घोटाळा चांगलाच गाजत आहे. या प्रकरणातील जबाबदार अधिकाèयांची बैठक विधानसभा उपाध्यक्षांनी नागपूर अधिवेशन दरम्यान बोलविली होती. ईटीएस मोजणीचे आदेश दिले असताना टाळाटाळ करण्यात येत असल्यामुळे अधिकाèयांना जाब विचारण्यात आला. एवढेच नव्हे, तर येत्या दोन महिन्यात ईटीएस मोजणी करुन अहवाल सादर करण्याचे आदेश देण्यात आले.अहवाल सादर न केल्यास जबाबदार अधिकाèयांवर कारवाई करण्यात येणार असल्याचे अण्णा बनसोडे यांनी स्पष्ट केले. या प्रकरणाची विधानसभा उपाध्यक्षांनी गंभीर दखल घेतली असून जबाबदार अधिकाèयांविरुद्ध ठोस कारवाई होण्याचे चिन्हे दिसून येत आहे. सुरुवातीला ईटीएस मोजणीवरुन टाळाटाळ तसेच कारवाईबाबत दिशाभूल करण्याचा प्रयत्न करण्यात आला. मात्र अण्णा बनसोडे यांनी ठामपणे ईटीएस मोजणीचे आदेश दिले.

वर्धा-यवतमाळ-नांदेड ETSS counting, रेल्वे प्रकल्पातील गौण खनिज भ्रष्टाचार प्रकरणाचा तपास आर्थिक गुन्हे शाखा करीत आहे. दुसरीकडे या प्रकरणाची सुनावणी विधानसभा उपाध्यक्षांच्या दालनात सुरु आहे. या प्रकरणात यवतमाळच्या जिल्हाधिकाèयांना सविस्तर अहवाल एका महिण्याच्या आत सादर करण्याचे आदेश जुलै महिण्यात देण्यात आले होते. मात्र चार महिणे झाले तरी अहवाल सादर न झाल्याने उपाध्यक्षांनी संताप व्यक्त केला. पुसद, उमरखेड भागात काही मोजक्या प्रकरणात गौण खनिज खरेदी करणाèयांवर कारवाई करण्यात आली. मात्र विक्रेत्यांवर झाली नसल्याचे स्पष्ट झाले. हा घोटाळा जवळपास 12 हजार कोटी रुपयांचा असल्याचा तक्रारकर्ते अमोल कोमावार यांचा दावा आहे.

या बैठकीला यवतमाळचे अपर जिल्हाधिकारी अनिल खंडागळे, जिल्हा खनिकर्म अधिकारी संजय जोशी, पुसद उपविभागीय अधिकारी आशिष बिजवल, उमरखेड उपविभागीय अधिकारी राम मुळे, उमरखेड येथील तहसीलदार सुरडकर, पुसदचे तहसीलदार महादेव जोरेवर, तहसीलदार कळंब, यवतमाळचे तत्कालीन तहसीलदार कुणाल झाल्टे, आरव्हीएनएलचे अधिकारी तसेच तक्रारकर्ते अमोल कोमावार उपस्थित होते.