प्रवाशांसाठी इशारा: ८० हून अधिक रेल्वे गाड्यावर परिणाम

More than 80 trains are running late उत्तर भारतात सध्या हिवाळ्याच्या धुक्यामुळे रेल्वे सेवांवर मोठा परिणाम झाला आहे. दिल्ली, पंजाब, हरियाणा, उत्तर प्रदेश आणि बिहारसह अनेक राज्यांमध्ये दृश्यमानता अत्यंत कमी असल्याने ८० हून अधिक गाड्या उशिराने धावत आहेत. काही गाड्यांना १८ मिनिटांपासून ११ तासांपर्यंत उशीर झाला आहे. प्रवाशांना त्यांच्या ट्रेनच्या वेळापत्रकाची काळजी घेण्याची गरज आहे, कारण ही परिस्थिती पुढील ४८ तासांत आणखी तीव्र होण्याची शक्यता आहे, असे हवामान खात्याने (IMD) इशारा दिला आहे.

 

 

 

उत्तर भारतातील धुक्यामुळे रेल्वे प्रवाशांची सुरक्षितता सुनिश्चित करण्यासाठी गाड्या कमी वेगाने धावत आहेत. विशेषतः दिल्ली-एनसीआर प्रदेशातील टुंडला-कानपूर-प्रयागराज-डीडीयू मार्गावर विशेष खबरदारी घेण्यात आली आहे. यादीतील काही प्रमुख गाड्या ज्यांना मोठा उशीर झाला आहे त्यात ऑगस्ट क्रांती तेजस राजधानी एक्सप्रेस (मुंबई सेंट्रल - हजरत निजामुद्दीन), मध्य प्रदेश संपर्क क्रांती एक्सप्रेस (जबलपूर - हजरत निजामुद्दीन), जयनगर-अमृतसर क्लोन 04651 (सुमारे 11 तास उशिराने), बरौनी-नवी दिल्ली स्पेशल 02563 (सात तासांहून अधिक उशिराने) यांचा समावेश आहे. रेल्वे प्रशासनाने प्रवाशांना सूचना दिल्या आहेत की, आपली ट्रेन यादीत आहे का ते वेळेत तपासा आणि प्रवासाच्या तयारीसाठी आवश्यक खबरदारी घ्या. धुक्यामुळे गाड्यांचे उशीर आणि थांबणे हा हिवाळ्यातील सामान्य परिणाम मानला जात असून, सुरक्षिततेसाठी सर्व आवश्यक उपाय केले जात आहेत. प्रवाशांनी वेळेत ट्रेनची माहिती तपासून आपला प्रवास सुरक्षितपणे पूर्ण करण्याचे आवाहन रेल्वे प्रशासनाकडून करण्यात आले आहे.

उशिराने धावत असलेल्या काही प्रमुख गाड्या:

12310 नवी दिल्ली-राजेंद्र नगर तेजस राजधानी

12394 संपूर्ण क्रांती एक्स्प्रेस

12392 श्रमजीवी एक्सप्रेस

12405 गोंडवाना एक्सप्रेस (भुसावळ जंक्शन - हजरत निजामुद्दीन)

12964 मेवाड सुपरफास्ट एक्सप्रेस (उदयपूर सिटी - हजरत निजामुद्दीन)

12953 ऑगस्ट क्रांती तेजस राजधानी एक्सप्रेस

12121 मध्य प्रदेश संपर्क क्रांती एक्सप्रेस

14317 लक्ष्मीबाई नगर-योग नगरी ऋषिकेश एक्सप्रेस

12625 केरळ एक्सप्रेस (दिल्ली सेंट्रल - प्रयागराज जंक्शन)

12493 दर्शन सुपरफास्ट एक्सप्रेस (मिरज जंक्शन - हजरत निजामुद्दीन)

12779 गोवा एक्सप्रेस

64905 मथुरा-नवी दिल्ली ईएमयू