नागपूरकरांनो 15 जानेवारीला मतदानासाठी सज्ज व्हा!

Nagpur Municipal Corporation election नागपूर महानगरपालिकेची निवडणूक 15 जानेवारी 2026 रोजी पार पडणार असून, मतमोजणी 16 जानेवारी 2026 रोजी जाहीर होणार आहे. राज्य निवडणूक आयोगाचे आयुक्त यांनी ही माहिती दिली. उमेदवार 23 ते 30 डिसेंबर 2025 या कालावधीत अर्ज दाखल करू शकतील, तर छाननी 31 डिसेंबर 2025 रोजी होईल. उमेदवारी माघार घेण्याची शेवटची तारीख 2 जानेवारी 2026 असून, निवडणूक चिन्ह वाटपानंतर अंतिम यादी 3 जानेवारी 2026 रोजी जाहीर केली जाईल. मुंबई महानगरपालिकेसह नागपूरसह उर्वरित 28 महापालिकांमध्ये बहु-सदस्यीय प्रभाग आहेत. नागपूरमध्ये मतदारांना त्यांच्या प्रभागासाठी 3 ते 5 मत द्यावे लागणार आहेत. शहरातील मतदान केंद्रांची संख्या 10,111 असून, मतदार यादी 1 जुलै 2025 ची ग्राह्य राहणार आहे. एकूण मतदारसंख्या शहरात मोठ्या प्रमाणात असून, दुबार मतदार असल्यास हमीपत्राद्वारे नोंद घेतली जाईल.

 

 

 

उमेदवारी फक्त ऑफलाइन पद्धतीने दाखल केली जाईल. जात वैधता प्रमाणपत्र असणे आवश्यक आहे; नसल्यास सहा महिन्यांच्या आत हमीपत्र सादर करणे बंधनकारक आहे, अन्यथा निवड रद्द होऊ शकते. मताधिकार सुनिश्चित करण्यासाठी मोबाईल अँपचा उपयोग करता येईल आणि मतदार स्वतःचे नाव व प्रभाग सहज पाहू शकतील. शहरात मतदान जागरुतीसाठी विविध उपक्रम राबवले जात आहेत, जेष्ठ मतदार आणि तान्ह्या बाळाच्या मातांना विशेष सुविधा दिल्या जातील. काही मतदान केंद्रांवर महिला अधिकारी व कर्मचारी उपस्थित राहणार आहेत. नगरपालिकेच्या निवडणुकीत कामकाजासाठी 289 रिटर्निंग ऑफिसर, 870 उप-रिटर्निंग ऑफिसर, आणि 1,96,605 कर्मचारी गुंतले आहेत. मतदान संपल्यानंतर कोणत्याही माध्यमातून पोलबद्दल माहिती प्रसारित केली जाणार नाही आणि प्रचार मतदानाच्या 48 तास आधी थांबवला जाईल. नागपूर महानगरपालिकेतील एकूण जागांची संख्या 2,869 असून, त्यात 1,442 महिला, 341 अनुसूचित जाती, 77 जमाती, आणि 749 इतर/ना.मा. प्रभाग आहेत.