नवव्या मजल्यावरून उडी मारून विद्यार्थ्याची आत्महत्या

कानपूर,

 

कुटुंबीयांनी दिलेल्या माहितीनुसार, प्रखर चिंटेल्स स्कूलमध्ये शिक्षण घेत होता. मंगळवारी सायंकाळी सुमारे ५.३० वाजता त्याची शिकवणी शिक्षिका घरी आली होती. प्रखरने तिला दुपारी ३.३० वाजता बोलावले होते, मात्र ती उशिरा आली. तरीही त्याचा गृहपाठ अपूर्ण असल्याची तक्रार शिक्षिकेने आजीकडे केली. यामुळे आजीने प्रखरला फटकारले. यानंतर संतप्त आणि अस्वस्थ झालेल्या प्रखरने आपल्या खोलीत जाऊन बाल्कनीतून खाली उडी मारली.

कुटुंबीयांनी त्याला गंभीर अवस्थेत तातडीने रुग्णालयात दाखल केले, मात्र डॉक्टरांनी त्याला मृत घोषित केले. नवाबगंज पोलीस ठाण्याचे प्रभारी केशव तिवारी यांनी सांगितले की, अभ्यास न केल्याबद्दल फटकारल्यानंतर विद्यार्थ्याने हे टोकाचे पाऊल उचलल्याचे प्राथमिक तपासात दिसून येत आहे.

दरम्यान, मृत विद्यार्थ्याची आई बोस्की त्रिपाठी यांनी सासरच्या मंडळींवर गंभीर आरोप केले आहेत. “माझा मुलगा आत्महत्या करण्याइतका कमकुवत नव्हता. त्याची हत्या करण्यात आली आहे,” असा दावा त्यांनी केला. घटना घडली तेव्हा सासरचे नेमके कुठे होते, असा सवालही त्यांनी उपस्थित केला. “माझा मुलगा माझ्यासोबत असता तर तो आज जिवंत असता,” असे त्या भावुकपणे म्हणाल्या.

पोस्टमॉर्टेम हाऊसमध्ये आलेल्या बोस्की यांनी सांगितले की, प्रखर स्वभावाने अत्यंत आनंदी होता, मात्र तिच्या पतीचे वर्तन अस्थिर होते. तो गेल्या अनेक वर्षांपासून तिच्यावर मानसिक व शारीरिक अत्याचार करत होता, त्यामुळेच त्यांच्यात वाद निर्माण होऊन न्यायालयीन लढाई सुरू झाली. खटला दाखल झाल्यानंतर तिच्या पतीने प्रखरला जबरदस्तीने आपल्याकडे ठेवून त्याचा छळ केल्याचा आरोपही त्यांनी केला.

न्यायालयाच्या आदेशानुसार महिन्यातून एकदा मुलाला भेटण्याची परवानगी मिळत असताना, त्या भेटीदरम्यान मुलावर आक्षेपार्ह टिप्पणी केली जात असे, ज्याचा त्याच्या मनावर गंभीर परिणाम झाला, असे बोस्की यांनी सांगितले. जेव्हा जेव्हा प्रखर आईसोबत राहण्याची इच्छा व्यक्त करायचा, तेव्हा त्याला मारहाण करून गप्प राहण्यास सांगितले जात असल्याचा आरोप त्यांनी केला. या सततच्या तणावामुळे प्रखर मानसिकदृष्ट्या त्रस्त होता, असेही त्या म्हणाल्या.

बोस्की त्रिपाठी यांनी आपल्या पतीवर मद्यपान करून मारहाण केल्याचे, पोटगी न दिल्याचे आणि सासरच्या लोकांच्या दबावाखाली अत्याचार केल्याचे आरोप केले आहेत.student committed suicide पोलिसांनी सांगितले की, या प्रकरणाचा तपास सुरू असून सर्व आरोपांच्या अनुषंगाने चौकशी करण्यात येत आहे.