रस्त्यावर हृदयविकाराचा झटका; पत्नीची मदतीसाठी विनवणी पण...बघा मृत्यूचा VIDEO

bengaluru-man-heart-attack दक्षिण बंगळुरूमधील एका दुःखद घटनेने आपत्कालीन आरोग्य सेवा आणि समाजाची उदासीनता उघडकीस आणली आहे, तसेच मानवी संवेदनांनाही धक्का बसला आहे. सोमवारी सकाळी आपल्या पत्नीसोबत प्रवास करणाऱ्या एका ३४ वर्षीय पुरूषाचा हृदयविकाराच्या झटक्याने मृत्यू झाला. पतीची प्रकृती पाहून त्याच्या पत्नीने रस्त्याने जाणाऱ्यांना मदतीसाठी विनवणी केली, परंतु काही मिनिटे कोणीही प्रतिसाद दिला नाही. संपूर्ण घटना सीसीटीव्हीमध्ये कैद झाली आहे.

 

 

मृताची ओळख वेंकटरमणन अशी झाली आहे, तो बालाजी नगर, इट्टामाडू, बनशंकरी थर्ड स्टेज येथील रहिवासी आहे. वृत्तानुसार, सोमवारी पहाटे ३:३० च्या सुमारास वेंकटरमणन यांना घरी अचानक छातीत तीव्र वेदना जाणवू लागल्या आणि त्यांची प्रकृती झपाट्याने बिघडली. रुग्णवाहिका किंवा इतर आवश्यक व्यवस्था त्वरित उपलब्ध नसल्याने, त्याच्या पत्नीने त्याला  दुचाकीवरून रुग्णालयात नेले. ते प्रथम जवळच्या खाजगी रुग्णालयात गेले, जिथे डॉक्टर उपलब्ध नसल्याने त्यांना उपचार नाकारण्यात आले. त्यानंतर ते दुसऱ्या खाजगी रुग्णालयात गेले, जिथे ईसीजीमध्ये सौम्य झटका आल्याचे दिसून आले. तरीही, रुग्णालयाने ना आपत्कालीन उपचार सुरू केले आणि ना रुग्णवाहिकेची व्यवस्था केली. त्यांना श्री जयदेव कार्डिओव्हस्कुलर सायन्सेस इन्स्टिट्यूटमध्ये नेण्याचा सल्ला देण्यात आला. bengaluru-man-heart-attack रुग्णवाहिका न मिळाल्याने, ते जोडपे नंतर त्यांच्या दुचाकीवरून जयदेव रुग्णालयात गेले. दरम्यान, वाटेत त्यांची दुचाकी अपघातात पडली. अपघातानंतर, वेंकटरमणन रस्त्यावर वेदनेने तडफडत पडले होते, तर त्यांच्या पत्नीने त्यांना मदतीसाठी विनवणी केली, परंतु काही मिनिटे कोणीही प्रतिसाद दिला नाही.

शेवटी, एका कॅब ड्रायव्हरने सहानुभूती दाखवली आणि वेंकटरमणन यांना जवळच्या रुग्णालयात नेले, जिथे डॉक्टरांनी त्यांना मृत घोषित केले. वेंकटरमणन हा व्यवसायाने गॅरेज मेकॅनिक होते. त्यांचे जानेवारी २०२० मध्ये लग्न झाले होते. त्याच्या पश्चात त्यांची पत्नी, पाच वर्षांचा मुलगा आणि दीड वर्षांची मुलगी आहे. तो त्याच्या आईचा एकुलता एक मुलगा होता. bengaluru-man-heart-attack या तीव्र दुःखानंतरही, कुटुंबाने मानवतेचे उदाहरण दाखवले. वेंकटरमणनच्या मृत्यूनंतर, त्याचे दोन्ही डोळे दान करण्यात आले, जेणेकरून दुसऱ्याचे जग उजळेल.