१५ वर्षांच्या मुलाकडून १० वर्षांच्या मुलाची हत्या

boy was murdered in Russia रशियामध्ये एका १५ वर्षांच्या मुलाला गंभीर गुन्ह्यात अटक करण्यात आली आहे. आरोपीने १० वर्षांच्या मुलाला चाकूने वार करून ठार केले. या हल्ल्यात एका ३२ वर्षीय सुरक्षा रक्षकालाही जखमी केले गेले. ही घटना ओडिन्सोवो जिल्ह्यात घडली. रशियन तपास समितीने सांगितले की किशोरवयीन मुलाला अटक केल्यानंतर गुन्ह्याचा हेतू तपासला जात आहे. हल्ल्याचे बॉडीकॅम फुटेज सोशल मीडियावर फिरत आहे, ज्यात आरोपी १५ वर्षांचा मुलगा मास्क आणि हेल्मेट घालून १० वर्षांच्या मुलाचा पाठलाग करत असल्याचे दिसून येते.

 

 

फुटेजमध्ये दिसते की, त्याने इमारतीच्या आत त्या मुलाची निर्घृणपणे हत्या केली आणि मृतदेहासोबत सेल्फी देखील काढली. तसेच, हल्लेखोराने एका शिक्षकाला त्याच्या राष्ट्रीयत्वाबद्दल विचारले आणि जेव्हा सुरक्षा रक्षक दिमित्री पावलोव्ह येतो, तेव्हा त्याच्यावर पेपर स्प्रे आणि नंतर पाठीत चाकूने वार केला. व्हिडिओमध्ये मुले आणि शिक्षक स्वतःचे रक्षण करण्यासाठी वर्गात कोंडून घेतल्याचे दिसते.

हल्ल्यानंतर सशस्त्र पोलिस अधिकाऱ्यांनी शाळेत घुसून आरोपी किशोराला अटक केली. आरोपीने नो लाईव्हज मॅटर असे लिहिलेले टी-शर्ट घातले होते, जे दहशतवाद, हिंसाचार आणि मानवतेच्या विनाशाला समर्थन देणारे घोषवाक्य मानले जाते. अलिकडच्या वर्षांत रशियामध्ये अशा प्रकारच्या हिंसाचाराच्या घटनांचा वाढता धोका दिसून येत आहे. गेल्या वर्षी दक्षिण रशियाच्या चेल्याबिन्स्क शहरात एका किशोरवयीन विद्यार्थ्याने हातोड्याने चार जणांना जखमी केले होते. डिसेंबर २०२३ मध्ये नैऋत्य शहरातील ब्रायन्स्कमधील एका शाळेत १४ वर्षांच्या मुलीने गोळीबार करून तिच्या एका मैत्रिणीची हत्या केली आणि नंतर आत्महत्या केली होती.