बांग्लादेशात ईशनिंदेच्या आरोपाखाली हिंदू तरुणाला झाडाला बांधून जाळले; VIDEO

hindu-youth-burned-alive-in-bangladesh गुरुवारी रात्री बांग्लादेशच्या मैमनसिंग जिल्ह्यात एका हिंदू तरुणाची जमावाने मारहाण करून हत्या केली. त्याच्यावर देवाची थट्टा केल्याचा आरोप होता. शरीफ उस्मान हादीच्या मृत्यूनंतर देशात आधीच सुरू असलेल्या निदर्शनांमध्ये ही घटना घडली. मारहाणीत मृत्युमुखी पडलेल्या व्यक्तीचे नाव दीपू चंद्र दास असे आहे. दीपू भालुका उपजिल्हातील दुबालिया पारा भागात भाड्याने राहत होता आणि तो कपड्याच्या कारखान्यात काम करणारा तरुण होता.

 

 

पोलिसांच्या म्हणण्यानुसार, स्थानिकांनी दीपूवर प्रेषित मुहम्मदबद्दल अपमानजनक टिप्पणी केल्याचा आरोप केला. त्यानंतर, जमावाने रात्री ९ वाजेच्या सुमारास त्याच्यावर हल्ला केला. अधिकाऱ्यांनी सांगितले की, जमावाने प्रथम दीपू चंद्र दासला मारहाण करून ठार मारले, नंतर त्यांचा मृतदेह झाडाला बांधून जाळून टाकला. hindu-youth-burned-alive-in-bangladesh नंतर पोलिसांनी घटनास्थळी पोहोचून परिस्थिती नियंत्रणात आणली आणि मृतदेह ताब्यात घेतला. त्यानंतर दीपूचा मृतदेह शवविच्छेदनासाठी मैमनसिंग मेडिकल कॉलेज रुग्णालयात पाठवण्यात आला. सध्या कोणताही गुन्हा दाखल झालेला नाही. पोलिसांनी सांगितले की ते पीडितेच्या कुटुंबातील सदस्यांना शोधण्याचा प्रयत्न करत आहेत. कुटुंबाचा शोध लागल्यानंतर कायदेशीर कारवाई सुरू केली जाईल.