अटितटीच्या लढाईत भाजपाच्या राणी कलोडे विजयी

BJP wins in Wardha स्थानिक नगर परिषदेच्या सार्वत्रिक निवडणुकीच्या अटितटीच्या लढाईत अंतिम फेरीत भाजपाच्या राणी कलोडे यांनी ११०० मतांनी विजय संपादित केला. यावेळी अनेक अपक्ष किंवा बंडखोरांनी अनेकांचे गणित बिघडवल्याचे लक्षात आले आहे. प्रभाग क्र.७ मधून बोरकर बहिण भाऊ विजयी झालेत,हे विशेष! आज सकाळी दहा वाजता मतमोजणीला सुरुवात झाली. अपेक्षेनुसार प्रथम समस्त नगरसेवक पदांसाठी झालेल्या प्रभागवार निकाल जाहीर करण्यात आलेत. त्यानंतर नगराध्यक्षपदांच्या शर्यतीत असलेल्या सहा उमेदवारांच्या भाग्याचा फैसला मतमोजणी पूर्ण होताच झाला. त्यात ११०० मतांनी राणी कलोडे यांनी रा. कां. (शरद पवार ) च्या सुनीता कलोडे यांचा पराभव केल्याची घोषणा निवडणूक व निर्णय अधिकारी बबिता आळंदे यांनी केली.

 

 

 

 

प्रभाग क्. १ मधून भाजपाचे सुधाकर वल्के आणि जयश्री मडावी विजयी झालेत. प्रभाग २ मधून भाजपाच्या चेतना बडवाईक आणि शरद तळवेकर विजयी ठरले. ३ क्र. मधून भाछपाचे प्रवीण मडावी व राजश्री बोरीकर यांनी सहज विजय प्राप्त केला. प्रभाग क्र. ४ मध्ये कांग्रेसचे सूरज कोपरकर व अपक्ष ममता बोंगाडे यांनी बाजी मारली. प्रभाग क्र. ५ मध्ये झालेल्या तीव्र संघर्षात कानग्रेसचे अजय रामदास कलोडे तथा दुर्गा बेलखोडे यांनी विजय मिळवला. येथून अशोक सातपुते सातव्यांदा भाग्य आजमावत पराभूत झाले. प्रभाग क्र. ६ मध्ये दोन्ही जागांसाठी तुल्यबळ लढत झाली. 

 

 

त्यात तुषार हिंगणेकर आणि जोत्सना तडस विजयी झालेत. प्रभाग ७ मधून शरद पवार गटाचे जगदीश बोरकर तर भाजपाकडून ऐश्वर्या गवळी यांनी आपल्या विरोधकांना धूळ चारली. ऐश्वर्या आणि जगदीश बहिण भाऊ आहेत.प्रभाग ८ कडे मान्यवरांचा रंगतदार संघर्ष अपेक्षित होता! तेथून शरद पवार गटाचे आशीष देवतळे (माजी नगरसेवक) आणि भाजपाच्या योगीता जांबूतकर यांनी विजय संपादित केला. प्रभाग ९ मधून भाजपाचे घनश्याम मेंढे,पुष्पा प्रकाश सिरसे विजयी झाले. प्रभागक्र. १० मध्ये अकरा उमेदवार रिंगणात होते. तेथून‌ भाजपाचे अकील शेख(माजी नगरसेवक) आणि त्याच पक्षाच्या इंदुताई कस्तुरे विजयी झाल्यात.

सर्व विजयी उमेदवारांनी पेढे वाटून गुलाल उधळत ढोल ताशांच्या गजरात विजयी मिरवणूक काढली.