वाशीम नगर परिषदेवर कमळ फुलले

Anil Kendale वाशीम नगर परिषदेच्या अध्यक्ष व सदस्यपदासाठी २० डिसेंबर रोजी मतदान घेण्यात आले होते. तर २१ डिसेंबर रोजी मतमोजणी घेण्यात आली. यामध्ये भाजपा नगराध्यक्षपदाचे उमेदवार अनिल केंदळे यांनी शिवसेना उबाठा गटाच्या रेखा सुरेश मापारी यांच्या मताधियाने ७,९६९ पराभव केला. वाशीम नप निवडणुक शिवसेना शिंदे गटाचे खाते सुध्दा उघडले नाही.

 

 

याबाबत सविस्तर असे की, वाशीम नगर परिषदेच्या १६ प्रभागातील ३२ नगरसेवक पदासाठी व एका नगराध्यक्षपदासाठी निवडणुक घेण्यात आली. यामध्ये नगराध्यक्षपदासाठी भाजपा उमेदवार अनिल केंदळे यांना २३,९४२ मते मिळाली तर शिवसेना उबाठा गटाच्या रेखा सुरेश मापारी यांना १५,९७३ मते मिळाली. अनिल केंदळे यांनी रेखा मापारी यांचा ७९६९ मतांनी पराभव केला. प्रभाग क्र. १ अ मधून भाजपा पक्षाचे अनिल ताजणे, ब मधून अरुणा वाटाणे, प्रभाग क्र. २ अ मधून शिवसेना उबाठा च्या करुणा कल्ले, प्रभाग क्र. २ ब मधून भाजपाच्या कासाबाई मधुकर लोणसुने, प्रभाग क्र. ३ अ मधून भाजपाचे राहुल तुपसांडे, प्रभाग क्र. ३ ब मधून पुजा खंडेलवाल, प्रभाग क्र. ४ अ मधून शिवसेना उबाठा गटाचे सोनु बढेल, प्रभाग क्र. ४ ब मधून भाजपाचे कुणाल हेडा, प्रभाग क्र. ५ अ मधून शिवसेना उबाठा गजानन दहात्रे, प्रभाग क्र. ५ मधून भाजपाच्या अंजली ठाकुर, प्रभाग क्र. ६ अ मधून शिवसेना उबाठा च्या श्रध्दा अमोल इंगोले, प्रभाग क्र. ६ ब मधून शिवसेना उबाठा चे पुरणमल बदलाणी, प्रभाग क्र. ७ अ मधून भाजपा पक्षाच्या गोकुळाबाई इंगोले, प्रभाग क्र. ७ ब मधून भाजपाचे नितेश राठी, प्रभाग क्र. ८ अ मधून भाजपाच्या मंदाकीनी ढवळे, प्रभाग क्र. ८ ब मधून भाजपाचे सतीष वानखेडे, प्रभाग क्र. ९ अ मधून काँग्रेस पक्षाच्या पुजा भालेराव, प्रभाग क्र. ९ ब मधून शिवसेना उबाठा गटाचे शेख रशीद शे शहनूर, प्रभाग क्र. १० अ मधून भाजपाच्या माया रुपेश वाघमारे, प्रभाग क्र. १० ब मधून शिवसेना उबाठा गटाचे राजु भांदुर्गे, प्रभाग क्र. ११ अ मधून भाजपाच्या जयश्री सारडा, प्रभाग क्र. ११ ब मधून अपक्ष गजानन लांडे, प्रभाग १२ अ मधून भाजपाच्या जयश्री संतोष वानखेडे, प्रभाग क्र. १२ ब मधून शिवसेना उबाठा पुजा विशाल काळे, प्रभाग क्र. १३ अ मधून काँग्रेसचे राजु वानखेडे, प्रभाग क्र. १३ ब मधून एमआयएम पक्षाच्या शेख खाजाबी, प्रभाग क्र. १४ अ मधून भाजपाचे संतोष मुरकूटे, प्रभाग क्र. १४ ब मधून शिवसेना उबाठा गटाच्या वर्षा नामदेव हजारे, प्रभाग क्र. १५ अ मधून एमआयएम पक्षाच्या आहाद शहनाज, प्रभाग क्र. १५ ब मधून शिवसेना उबाठा पक्षाच्या साबीर मिर्झा, प्रभाग क्र. १६ अ मधून शिवसेना उबाठा चे नितीन मडके, प्रभाग क्र. १६ ब शिवसेना उबाठा च्या मधून कृष्णा गोरे यांनी आपल्या प्रतिस्पर्धी उमेदवारावर मताधियाने विजय मिळविला.

वाशीम नगर परिषदेच्या १६ प्रभागातील ३२ नगरसेवक पदासाठी झालेल्या निवडणुकीत भारतीय जनता पक्षाच्या सर्वाधिक १५ नगरसेवक निवडुण आले तर उबाठा शिवसेना पक्षाचे ११, एमआयएम पक्षाचे ३, काँग्रेस पक्षाचे २ व एक अपक्ष असे पक्षीय बलाबल आहे. शिवसेना उबाठा पक्षाचे २८ ठिकाणी उमेदवार उभे केले होते. तर भाजपा पक्षाचे ३२ ठिकाणी उमेदवार उभे केले होते. शिवसेना शिंदे गटाने १८ उमेदवार उभे केले होते. त्यापैकी एकही उमेदवार शिंदे शिवसेना गटाचा विजयी झाला नाही.

सदर निवडणुक मतमोजणी वाशीम बसस्थानक ते तहसील मार्गावरील कोरोनेशन लब हॉल येथे पार पडली. यावेळी उमेदवारांच्या समर्थकांची एकच गर्दी पाहायला मिळाले. विजयी झालेल्या उमेदवारांच्या समर्थकांनी गुलाल उधळून व मिठाई वाटप करुन विजयाचा जल्लोष साजरा केला. मतमोजणी प्रक्रिया सुरळीत पार पडावी यासाठी जिल्हाधिकारी योगेश कुंभेजकर व जिल्हा पोलिस अधीक्षक अनुज तारे यांच्यासह निवडणुक विभागाचे अधिकारी, पोलिस प्रशासनाचे अधिकारी, कर्मचारी यांनी परिश्रम घेतले.