IT कंपनीतल्या तरुणीवर धावत्या कारमध्येच गँगरेप; कारच्या डॅशकॅमने कैद घटना

udaipur-it-company-gangrape राजस्थानमधील उदयपूरमध्ये एका IT कंपनीच्या महिला व्यवस्थापकावर गँगरेपची खळबळजनक घटना समोर आली आहे. या प्रकरणात पीडितेवर कथितरित्या चालत्या कारमध्ये लैंगिक अत्याचार केला गेला. पोलिसांनी बुधवारला दिलेल्या माहितीनुसार, ही घटना शनिवारी रात्री घडली होती. पीडिते एका बर्थडे पार्टीत होती आणि सर्व पाहुणे निघून गेल्यानंतर ती एकटी राहिली. पीडितेने आरोप केला की कंपनीच्या महिला कार्यकारी प्रमुखाने तिला घर सोडण्यासाठी कारमध्ये बोलावले. कारमध्ये कार्यकारी प्रमुखाचा नवरा आणि कंपनीचा मुख्य कार्यकारी अधिकारी (सीईओ) देखील उपस्थित होते.

 

 

पीडितेने सांगितले की, तीनही आरोपी तिला घरी सोडण्यासाठी निघाले असताना रस्त्यावर एका दुकानातून सिगारेटसारखी काही वस्तू घेतली आणि तिला दिली. सिगारेट पिण्यानंतर ती बेहोश झाली. udaipur-it-company-gangrape पोलिसांनी सांगितले की दुसऱ्या दिवशी सकाळी पीडितेला लैंगिक अत्याचाराची जाणीव झाली आणि तिने पोलिसात तक्रार नोंदवण्याचा निर्णय घेतला. उदयपूरचे पोलीस अधीक्षक योगेश यादव गोयल म्हणाले, “तक्रारीच्या आधारे, तीनही आरोपींविरुद्ध मंगळवारी गुन्हा दाखल करण्यात आला आहे. आरोपींना ताब्यात घेतले आहे आणि त्यांच्याकडून चौकशी सुरू आहे. मेडिकल तपासणी अहवाल आणि बयानांच्या आधारे पुढील कारवाई केली जाईल.”

पीडितेने सांगितले की आरोपींनी तिला सकाळी सुमारे ५ वाजता घरी सोडले. तिच्या खासगी अवयवांवर जखमेचे ठसे होते. त्यानंतर तिने कारच्या डॅशकॅमची तपासणी केली, ज्यात आरोपींच्या संपूर्ण कृत्यांची नोंद होती. udaipur-it-company-gangrape या आधारे तिने २३ डिसेंबर रोजी तक्रार नोंदवली. पोलिसांनी तपासासाठी डॅशकॅमचे रेकॉर्डिंग आणि कारमधून नमुने गोळा केले आहेत. FSL टीमने कारमधून विविध प्रकारचे पुरावे एकत्र केले आहेत, जे आरोपींना दोषी ठरविण्यात महत्वाची भूमिका बजावू शकतात.