विराट-ऋतुराजचं शतक व्यर्थ! दक्षिण आफ्रिका चार विकेट्सनी विजयी

IND VS SA : रायपूर येथे भारत आणि दक्षिण आफ्रिका यांच्यात एक उच्चांकी सामना खेळवण्यात आला. प्रथम फलंदाजी करताना टीम इंडियाने दक्षिण आफ्रिकेला ३५९ धावांचे लक्ष्य दिले. प्रत्युत्तरात, आफ्रिकन संघाने ४९.२ षटकांत लक्ष्य गाठले आणि ४ विकेटनी रोमांचक विजय मिळवला. तीन सामन्यांची मालिका आता १-१ अशी बरोबरीत आहे. दक्षिण आफ्रिकेने ३५९ धावांचे लक्ष्य गाठून इतिहास रचला. दक्षिण आफ्रिकेचा भारताविरुद्ध एकदिवसीय क्रिकेटमध्ये हा सर्वाधिक धावांचा पाठलाग आहे आणि त्यांच्या एकदिवसीय इतिहासातील तिसरा सर्वात यशस्वी धावांचा पाठलाग आहे. या सामन्यात विराट आणि गायकवाड यांच्या शतक व्यर्थ गेले.  

 

 

 

 

 

दक्षिण आफ्रिकेने नाणेफेक जिंकून प्रथम गोलंदाजी करण्याचा निर्णय घेतला. भारताकडून रोहित शर्मा आणि यशस्वी जयस्वाल स्वस्तात बाद झाले, परंतु कोहली आणि ऋतुराज यांनी तिसऱ्या विकेटसाठी १९५ धावांची भागीदारी करून भारताला सावरण्यास मदत केली. यादरम्यान, रुतुराजने त्याचे पहिले एकदिवसीय शतक झळकावले आणि तो १०५ धावांवर बाद झाला. त्यानंतर कोहलीने त्याचे ५३ वे एकदिवसीय शतक झळकावले. या सामन्यात विराट कोहलीने १०२ धावा केल्या. त्यानंतर केएल राहुल आणि जडेजा यांनी शेवटच्या षटकांमध्ये जोरदार फलंदाजी करत भारताला ३५० धावांच्या पुढे नेले. राहुल ६६ धावांवर नाबाद राहिला. दक्षिण आफ्रिकेकडून मार्को जानसेनने दोन बळी घेतले, तर नंद्रा बर्गर आणि लुंगी न्गीडी यांनी प्रत्येकी एक बळी घेतला.

 

 

लक्ष्याचा पाठलाग करणाऱ्या आफ्रिकन संघाची सुरुवात चांगली झाली नाही. २६ धावांच्या स्कोअरवर क्विंटन डी कॉक ११ चेंडूत ८ धावांवर बाद झाला. त्यानंतर टेम्बा बावुमा आणि एडेन मार्कराम यांनी १०१ धावांची भागीदारी केली. या सामन्यात बावुमा अर्धशतक हुकला, त्याने ४८ चेंडूत ४६ धावा केल्या. या सामन्यात दक्षिण आफ्रिकेकडून सलामीवीर एडेन मार्करामने शतक झळकावले. तो ९८ चेंडूत ११० धावा करून बाद झाला. त्यानंतर मॅथ्यू ब्रिएट्झके आणि डेवाल्ड ब्रेव्हिस यांनी शानदार फलंदाजी केली, ज्यामुळे आफ्रिकन संघाचा धावांचा पाठलाग सोपा झाला. ब्रिएट्झके ५४ आणि ब्रिएट्झके ६८ धावांवर बाद झाले. अखेर दक्षिण आफ्रिकेसाठी कॉर्बिन बॉशने उर्वरित काम केले. बॉश १५ चेंडूत २६ धावा करून नाबाद राहिला.