पंतप्रधान मोदींचा शोकसंदेश घेऊन जयशंकर ढाक्यात; खालिदा जियांच्या मुलाकडे पत्र सुपूर्द

jaishankar-in-dhaka बांगलादेशच्या माजी पंतप्रधान बेगम खालिदा झिया यांच्या निधनाबद्दल भारताने तीव्र शोकसंवेदना व्यक्त केल्या आहेत. परराष्ट्र मंत्री डॉ. एस. जयशंकर बुधवारी ढाका येथे पोहोचले. त्यांच्याकडे पंतप्रधान नरेंद्र मोदी यांचे शोकसंदेश आणि भारत सरकार आणि भारतीय जनतेचा शोकसंदेश होता. त्यांनी या दुःखाच्या वेळी बांगलादेशच्या जनतेला भारताची संवेदना व्यक्त केली आणि लोकशाहीतील खालिदा झिया यांच्या योगदानाचे स्मरण केले.

 

 

 

भारतातील बांगलादेशचे उच्चायुक्त रियाझ हमीदुल्ला यांनी सोशल मीडियावर शेअर केले की, डॉ. एस. जयशंकर यांनी ढाका येथे पंतप्रधान मोदींचा शोकसंदेश देताना म्हटले की, या दुःखाच्या वेळी भारत बांगलादेशसोबत उभा आहे. रियाझ हमीदुल्ला म्हणाले की, जयशंकर यांनी माजी पंतप्रधान खालिदा झिया यांच्या दीर्घ राजकीय कारकिर्दीची आणि लोकशाही व्यवस्थेतील त्यांच्या योगदानाची आदरपूर्वक प्रशंसा केली. jaishankar-in-dhaka परराष्ट्र मंत्री एस. जयशंकर बुधवारी सकाळी ११:३० वाजता एका विशेष विमानाने ढाका येथे पोहोचले. बांगलादेशातील भारताचे उच्चायुक्त प्रणय वर्मा यांनी विमानतळावर त्यांचे स्वागत केले. बेगम खालेदा झिया यांचे मंगळवारी ढाका येथे दीर्घ आजाराने निधन झाले. त्या ८० वर्षांच्या होत्या. खालेदा झिया या बांगलादेशी राजकारणातील सर्वात प्रभावशाली नेत्यांपैकी एक होत्या, त्यांनी तीन वेळा पंतप्रधानपद भूषवले. त्या बांगलादेश नॅशनलिस्ट पार्टीच्या दीर्घकाळ अध्यक्षा म्हणूनही काम करत होत्या.