ममतांचा दणका...हुमायून कबीर तृणमूलमधून निलंबित

Humayun Kabir suspended from Trinamool पश्चिम बंगालमध्ये बाबरी मशीद बांधण्याची घोषणा करणाऱ्या तृणमूल काँग्रेसच्या आमदार हुमायून कबीर यांना पक्षातून निलंबित करण्यात आले आहे. मुर्शिदाबाद जिल्ह्यातील हुमायून कबीर यांनी ६ डिसेंबर रोजी बाबरी मशीद बांधण्याची घोषणा केली होती, ज्यामुळे पक्षात गोंधळ उडाला.

 

 

कोलकात्याचे महापौर फिरहाद हकीम यांनी सांगितले की, मुर्शिदाबादमधील आमच्या आमदाराने अचानक बाबरी मशीद बांधण्याची घोषणा केली, ही घोषणा अयोग्य होती. आम्ही त्यांना आधीच इशारा दिला होता. पक्षाच्या निर्णयानुसार आमदार हुमायून कबीर यांना निलंबित केले आहे. मुख्यमंत्री ममता बॅनर्जी देखील हुमायून कबीर यांच्या या निर्णयावर नाराज असल्याचे वृत्त आहे. पक्षाने हा निर्णय घेऊन सदस्यांना अनुशासनाचे महत्त्व समजावून सांगण्याचा प्रयत्न केला आहे.