बायकोच्या शरीरसंबंधासाठी आग्रहाने पती संतापला; थेट सिगारेटने गुप्तांग जाळले

pune-viral-news पुण्यात वैवाहिक आयुष्यातील मतभेद एका गंभीर आणि धक्कादायक घटनेच्या रूपात उघडकीस आले आहेत. एका २९ वर्षीय विवाहित महिलेवर तिच्या नवऱ्याने शारीरिक अत्याचार केले आणि सिगारेटच्या चटक्या देऊन तिच्या गुप्तांग आणि मांडीवर जखमा केल्याचा प्रकार समोर आला आहे. या घटनेत नवरा, सासू, नणंद, चुलत नणंद आणि चुलत सासरे यांच्यावर येरवडा पोलीस ठाण्यात गुन्हा नोंदविला गेला आहे.

 

 

तक्रारदार महिला ११ एप्रिल २०२५ रोजी येरवड्यातील ३३ वर्षीय पुरुषाशी मुस्लिम पद्धतीने विवाहबद्ध झाली. लग्नानंतर पहिल्या रात्रीच नवऱ्याचा वागणूक संशयास्पद ठरली. हनिमून नाईटला तो “खूप थकलो आहे” असे सांगून झोपला आणि पुढील काही दिवसही शारीरिक संबंध टाळत होता. पत्नीने सौम्यपणे जवळीक साधण्याचा प्रयत्न केला असता, तिला नवऱ्याची लैंगिक असमर्थता लक्षात आली. वैद्यकीय मदत घेण्याचा सल्ला दिला असता, नवऱ्याने नकार दिला. pune-viral-news दोन महिन्यांपेक्षा अधिक काळ अशा प्रकारे मानसिक आणि शारीरिक अंतर राखले गेले. पत्नीने सासरच्या लोकांशी बोलण्याचा प्रयत्न केला, मात्र मदतीऐवजी तिला धमकावले गेले आणि “हे बाहेर कुणाला सांगू नको” असे सांगितले गेले. माहेरी जाण्याची इच्छा व्यक्त केली असता “लग्न झालंय, निभावून न्यायचे” अशी सक्ती करण्यात आली.

एका दिवशी नवऱ्याने संतापाच्या भरात तिला बेडरूममध्ये घेऊन जखमा केल्या. सासरकडील छळ यावर थांबला नाही; नणंदांनी माहेरी जाण्यापासून रोखण्याचा प्रयत्न केला, तर जिमसाठी पैसे घेण्याचा आरोपही तिला दिला गेला. पतीने चुलत सासऱ्यांना पाठवल्याने घरात गोंधळ निर्माण झाला आणि शिवीगाळ तसेच मारहाण झाली. pune-viral-news तणावाने कंटाळून पीडितेने आत्महत्येची धमकी दिल्यानंतर दोन्ही कुटुंबांत बैठक झाली, ज्यात पतीने स्वतः शारीरिक असमर्थ असल्याची कबुली दिली. सध्या पीडिता माहेरी राहते. येरवडा पोलिसांनी तिच्या तक्रारीच्या आधारे पतीसह सासू, नणंद, चुलत नणंद आणि चुलत सासरे यांच्यावर गुन्हा नोंदविला असून तपास सुरू आहे.