'क्रांतिज्योती विद्यालय मराठी माध्यम’ ची चर्चा

Krantijyoti Vidyalaya Marathi Medium मराठी माध्यमातील शाळांची आठवण, त्यांचे संस्कार, शिक्षकांचे प्रेम आणि बालपणीच्या आठवणी पुन्हा ताज्या करणारे गाणे ‘शाळा मराठी’ नुकतेच प्रदर्शित झाले आहे. ‘क्रांतिज्योती विद्यालय – मराठी माध्यम’ या चित्रपटातील हे गाणे प्रेक्षकांना शाळेतील वातावरण आणि मराठी शिक्षणाच्या जिवंत अनुभवाशी जोडेल, अशी अपेक्षा चित्रपट निर्माते व्यक्त करत आहेत.

 

 

दिग्दर्शक Krantijyoti Vidyalaya Marathi Medium हेमंत ढोमे यांनी सांगितले की, “‘क्रांतिज्योती विद्यालय – मराठी माध्यम’मध्ये आम्ही मराठी माध्यमाच्या शाळांचे वास्तव, त्यांच्या जिद्दीची ऊर्जा आणि संस्कारांचे महत्व पडद्यावर आणण्याचा प्रयत्न केला आहे. ‘शाळा मराठी’ हे गाणे चित्रपटाच्या आत्म्याला स्पर्श करणारं आहे.”गाण्यातील मुख्य गायन १२ वर्षीय रोहित जाधवने केले आहे. छत्रपती संभाजीनगरचा रोहित, गुरुवर्य अनाथाची माऊली रामेश्वरजी महाराज पवार यांच्या कीर्तन संस्थेत गेल्या सहा वर्षांपासून शिक्षण घेत आहे. लहान वयातच किर्तनकलेत निपुण असलेला रोहित या गाण्यातून प्रेक्षकांपर्यंत त्याची कला पोहोचवत आहे.

 

 

संगीतकार हर्ष–विजय यांनी सांगितले की, “‘शाळा मराठी’ गाणं तयार करताना आम्हालाही पुन्हा एकदा आपल्या शाळेत जाण्यासारखं वाटलं. मातृभाषेची आपुलकी, शिक्षकांचा स्पर्श आणि बालपणीची ऊर्जा आम्ही संगीतामध्ये अनुभवायला दिली आहे. हे गाणं ऐकताना प्रत्येकाच्या मनात शाळेच्या आठवणी ताज्या होतील, हीच आमची सर्वात मोठी कमाई आहे.”गीतकार ईश्वर अंधारे यांनी गाण्यातील मजेशीर शब्दांतून शाळेतील आपुलकी, संस्कार आणि शिक्षकांचे प्रेम सजीव केले आहे. रोहितच्या दमदार आवाजासह हर्ष–विजय यांचे संगीत आणि ईश्वर अंधारे यांच्या गीतसृष्टीचा संगम प्रेक्षकांसाठी नॉस्टॅलजिक अनुभव देईल, असा विश्वास आहे.

 

 

चित्रपट १ जानेवारी २०२६ पासून प्रेक्षकांच्या भेटीला येणार आहे. दिग्गज अभिनेते सचिन खेडेकर मुख्याध्यापकाच्या भूमिकेत दिसणार आहेत. त्यांच्यासोबत अमेय वाघ, सिद्धार्थ चांदेकर, क्षिती जोग, कादंबरी कदम, हरीश दुधाडे, पुष्कराज चिरपुटकर आणि मराठी चित्रपटात पदार्पण करणारी प्राजक्ता कोळी ही स्टारकास्ट दिसणार आहे.चित्रपटाचे लेखन आणि दिग्दर्शन हेमंत ढोमे यांनी केले असून, निर्मिती क्षिती जोग यांच्या चलचित्र मंडळीची आहे. सहनिर्माते विराज गवस, उर्फी काझमी (क्रेझी फ्यू फिल्म्स) आणि अजिंक्य ढमाळ आहेत. ‘क्रांतिज्योती विद्यालय – मराठी माध्यम’ आणि त्यातील ‘शाळा मराठी’ हे गाणे मराठी शाळांच्या जिवंत आठवणींना उजाळा देणार असल्याचे चित्रपटवर्गीय तज्ज्ञ सांगतात.या चित्रपटाद्वारे मराठी माध्यमाच्या शाळांच्या संस्कारमूल्यांना, शिक्षकांच्या योगदानाला आणि विद्यार्थ्यांच्या जिद्दीला एक नवा चित्रपट रूप दिलं जात असून, प्रेक्षकांना बालपणातील आठवणी पुन्हा अनुभवण्याची संधी मिळणार आहे.