जी आवडेल तिच्याशी लग्न करून देईल...

Noida man cheated उत्तर प्रदेशातील ग्रेटर नोएडामध्ये एका ५१ वर्षीय अविवाहित व्यक्तीवर दोन महिलांनी लग्नाचे आमिष दाखवून आर्थिक फसवणूक केली. विकल सिंग हे भानौटा खेड्यातील रहिवासी असून अद्याप अविवाहित आहेत. काही महिन्यांपूर्वी त्याला एका अनोळखी क्रमांकावरून फोन आला, ज्यात दोन महिलांनी स्वतःची ओळख विनिशा आणि खुशी असे दिली. दोघींनी अविवाहित असल्याचा दावा करून विकल सिंगशी लग्न करण्याची इच्छा व्यक्त केली आणि त्याच्याकडे आकर्षक प्रलोभने दाखवू लागल्या. विकलने या आकर्षणाला बळी पडून अंदाजे ५०,००० रुपये ऑनलाइन ट्रान्सफर केले.

 

 

 

महिलांनी त्याला गोव्यात एकत्र जाण्याचे आश्वासन दिले आणि नंतर त्याला कसाना येथील निहाल देव पार्कमध्ये भेटायला बोलावले. २९ नोव्हेंबर रोजी संध्याकाळी ७ ते ८ च्या दरम्यान विकल पार्कमध्ये पोहोचले असता, त्याच्यावर दोन अज्ञात पुरुष आणि महिला हल्ला करून त्याचे पाच लाख रुपये हिसकावले. आरोपी पळून गेले आणि त्यांनी विकलवर धमकी दिली की जर या घटनेबाबत काही सांगितले, तर त्यांचा मोबाईलवरील संभाषण सोशल मीडियावर प्रसिद्ध केले जाईल.

विकलाने ही घटना अनेक दिवस लपवून ठेवली कारण त्यांना बदनामी होण्याची भीती होती, मात्र २९ नोव्हेंबर रोजी त्यांच्या पुतण्यांनी आणि कुटुंबीयांनी हिशेब मागितल्यावर विकलने पोलिसांना घटनेची माहिती दिली. सुरजपूर पोलिस ठाण्यात आरोपीविरुद्ध तक्रार दाखल केली असून, प्रभारी निरीक्षक धर्मेंद्र शुक्ला यांनी सांगितले की, विनीक्षा, खुशी आणि दोन अज्ञात तरुणांविरुद्ध गुन्हा दाखल करण्यात आला आहे. तपासात आरोपींची ओळख पटवून त्यांच्यावर कारवाई केली जाईल.