न खडगे, न राहुल गांधी; पुतिनसोबत जेवणासाठी फक्त या काँग्रेस नेत्याला आमंत्रण

congress-leader-invited-for-lunch-with-putin रशियाचे राष्ट्राध्यक्ष व्लादिमीर पुतिन हे दोन दिवसांच्या भारत दौऱ्यावर आहेत. गुरुवारी पंतप्रधान नरेंद्र मोदी यांनी त्यांचे विमानतळावर स्वतः स्वागत केले आणि त्यांना त्यांच्या कारमधून पंतप्रधान निवासस्थानी नेले. तेथे पंतप्रधान मोदींनी पुतिन यांच्यासाठी खाजगी जेवणाचे आयोजन केले. शुक्रवारी पुतिन राष्ट्रपती भवनाला भेट दिली आणि त्यांना गार्ड ऑफ ऑनर देण्यात आला. त्यानंतर पुतिन आणि पंतप्रधान मोदी यांच्यात द्विपक्षीय चर्चा झाली आणि अनेक महत्त्वाचे करार झाले.

 

 

 

शुक्रवारी संध्याकाळी राष्ट्रपती भवनात व्लादिमीर पुतिन यांच्यासाठी जेवणाचे आयोजन करण्यात आले आहे. तथापि, सूत्रांनी दिलेल्या वृत्तानुसार, काँग्रेस नेते राहुल गांधी आणि मल्लिकार्जुन खडगे यांना या जेवणाचे आमंत्रण मिळालेले नाही. सूत्रांनी दिलेल्या माहितीनुसार, काँग्रेस खासदार शशी थरूर या जेवणाला उपस्थित राहणार आहेत. सूत्रांनी दिलेल्या माहितीनुसार, काँग्रेसचे राष्ट्रीय अध्यक्ष आणि राज्यसभेतील विरोधी पक्षनेते मल्लिकार्जुन खडगे आणि लोकसभेतील विरोधी पक्षनेते राहुल गांधी यांना राष्ट्रपती भवनातील जेवणाचे आमंत्रण मिळालेले नाही. congress-leader-invited-for-lunch-with-putin सूत्रांनी दिलेल्या माहितीनुसार, परराष्ट्र व्यवहारावरील संसदीय स्थायी समितीचे अध्यक्ष म्हणून शशी थरूर यांना या कार्यक्रमात सहभागी होण्यासाठी आमंत्रित करण्यात आले आहे.