उधारीच्या क्षुल्लक वादातून मजुराचा खून

laborer murdered वापरायला दिलेली दुचाकी परस्पर विकल्यामुळे आणि उधार दिलेले पैसे परत करत नसल्याने संतापलेल्या दाेघांनी साेबत काम करणाऱ्या एका मजुराचा दगडाने ठेचून खून केला. कळमना कृषी उत्पन्न बाजार समितीला लागून असलेल्या लाकूड कटाईच्या आरा मशीन केंद्राजवळ गुरुवारी पहाटे ही थरारक खुनाची घटना घडली. महेश लतेलुराम डहारे (22) रा. गांधी नगर, चिखली झाेपडपट्टी असे खून झालेल्या मजुराचे नाव आहे. गुरुवारी पहाटे महेश मृतदेह रक्ताने माखलेला दिसल्याने परिसरातील मजुरांनी पाेलिसांना याची माहिती दिली.

 

 

 

 

महेश डहारे हा बुधवारी रात्री शेकाेटीजवळ बसलेला हाेता. त्यावेळी चंद्रेश उफर् राणू वर्मा (25) रा. भरतवाडा, रितिक नंदेश्वर (25) रा. चिखली झाेपडपट्टी हे दाेघे त्याच्या जवळ आले. या दाेघांचेही महेशकडून प्रत्येकी 25 ते 30 हजार रुपये घेणे हाेते. गेल्या अनेक दिवसांपासून ताे पैसे देत नसल्याने दाेघांनी त्याच्यासाेबत रात्री वाद घातला. उधारीच्या पैशावरून तिघांमध्ये वादावादी झाली. हा वाद विकाेपाला गेल्यानंतर संतापाच्या भरात दाेघांनी महेशच्या डाेक्यात दगडाने वार करत त्याला ठार केले.सकाळी या घटनेची माहिती मिळताच परिसरातील मजुरांनी सांगितलेल्या माहितीनुसार पाेलिसांनी लगेच चंद्रश उफर् राणूला अटक केली. त्याचा दुसरा साथिदार रितिक फरार असून पाेलिस त्याचा शाेध घेत आहेत.