इम्रान खान अडचणीत...पीटीआयवर राज्यविरोधी विधानांचा आरोप

Imran Khan in trouble तुरुंगात असलेल्या पाकिस्तानच्या माजी पंतप्रधान आणि पीटीआय पक्षाध्यक्ष इम्रान खानच्या अडचणी सुरूच आहेत. अनेक पाकिस्तानी खासदार आणि विरोधी नेते आता पीटीआयच्या विरोधात एकत्र आले आहेत. विविध राजकीय पक्षांच्या खासदारांनी लष्कराला जाहीरपणे पाठिंबा दिला असून, पीटीआयवर राज्य संस्थांना बदनाम करण्याचा आणि राज्यविरोधी विधानांचा प्रचार करण्याचा आरोप करण्यात आला आहे.

 

 

इंटर-सर्व्हिसेस पब्लिक रिलेशन्स (आयएसपीआर)च्या प्रवक्त्याने पत्रकार परिषदेत सांगितले की, तुरुंगात असलेल्या इम्रान खानला मानसिकदृष्ट्या त्रस्त असल्याचे दिसत आहे आणि ते वारंवार लष्कराला लक्ष्य करत असल्याने सुरक्षा धोका निर्माण होत आहे. पीटीआयने या विधानावर आक्षेप नोंदवला होता.

 

पाकिस्तान सरकारमधील नियोजन मंत्री अहसान इक्बाल यांनी सोशल मीडियावर म्हटले की, इम्रानच्या विधानांमुळे देशाची अर्थव्यवस्था कमकुवत होऊ शकते आणि राज्य संस्थांवरील हल्ल्यांमुळे राष्ट्रीय एकता धोक्यात येईल. सशस्त्र दलांवरील जनतेचा विश्वास कमी होईल, असेही त्यांनी सांगितले. तसेच एमक्यूएम-पी नेतृत्वाने पीटीआयवर तीव्र टीका केली. एमक्यूएम-पीचे अध्यक्ष खालिद मकबूल सिद्दीकी म्हणाले की, पीटीआयने आरोपांना उत्तर देण्यासाठी योग्य व्यासपीठ वापरण्याऐवजी राजकीय आरोपांचे रस्त्यावरील राजकारण सुरू ठेवले असून देशात अस्थिरता निर्माण करण्याचा प्रयत्न केला जात आहे.