१३ व १४ डिसेंबरला जेमिनीड्चा उल्कावर्षाव

 

 

meteor shower-gemini येत्या १३ व १४ डिसेंबरच्या रात्री आकाशात पूर्व दिशेला उल्कावर्षाव होतांना दिसेल. या उल्कावर्षावाला जेमिनी उल्कावर्षाव असे म्हणतात. हा उल्का वर्षाव लघु ग्रह ३२०० फेथन याच्या कचर्‍यापासून तयार होतो. हा उल्का वर्षाव खगोलप्रेमींना अगदी साध्या डोळ्यांनी रात्रभर पाहता येईल.

 

 

 

 

 (उल्कावर्षावाचे संग्रहित छायाचित्र)

 

 

meteor shower-gemini यात १२० उल्का त्याही रंगीबेरंगी दर तासाला निर्माण होतात. अंधार्‍या रात्री आकाशाचे निरीक्षण करत असतांना क्षणार्धात एखादी प्रकाश रेषा चमकून जातांना आपण पाहतो, या घटनेस तारा तुटला असे म्हटले जाते. परंतु, तारा कधीही तुटत नाही; ही एक खगोलीय घटना असते, याला उल्का वर्षाव असे म्हटले जाते. उल्काचे निरीक्षण आणि त्या निरीक्षणाच्या शास्त्रीय नोंदी याची खगोल जगतात खूप गरज आहे. यामुळे बाह्य अवकाशातील वस्तूचे नमुने या उल्केमुळे आपणास मिळतात. यामुळे वस्तूच्या जडण-घडणीचा अर्थ आपणास लावता येतो.

 

 

 

meteor shower-gemini धुमकेतू किंवा लघुग्रह सूर्याला प्रदक्षिणा घालून जात असतांना त्यातील काही भाग मोकळा होतो. हे धुमकेतूने किंवा लघुग्रहाने मागे टाकलेले अवशेष होय. या संदर्भात लोकांच्या अंधश्रद्धा खूप आहे. परंतु अशा अंधश्रद्धेला खगोलशास्त्रात कुठेही आधार नाही. उल्कावर्षाव रात्री गच्चीवरून किंवा शहराबाहेर जाऊन अंधारातून पाहता येईल. सर्व खगोलप्रेमींनी व जिज्ञासूंनी उल्का वर्षावाचे विलोभनीय दृष्य अवश्य बघावे, असे आवाहन मराठी विज्ञान परिषद अमरावती विभागाचे अध्यक्ष प्रवीण गुल्हाने व हौशी खगोल अभ्यासक विजय म. गिरुळकर यांनी केले आहे.