कन्नड विचारवंत एस.एल. भैरप्पा यांचे निधन

S.L. Bhairappa passes away प्रसिद्ध कन्नड लेखक आणि विचारवंत डॉ. एस.एल. भैरप्पा यांचे बुधवारी (२४ सप्टेंबर २०२५) निधन झाले. पद्मभूषण सन्मानित भैरप्पा यांचे निधनाने कन्नड साहित्यावर आणि संपूर्ण भारतीय साहित्यात शोककळा पसरली आहे. त्यांच्या लेखनाने भारतीय साहित्याच्या समृद्ध परंपरेत अमिट ठसा ठेवला असून, ऐतिहासिक, सांस्कृतिक आणि सामाजिक विषयांवर केलेले सखोल विश्लेषण त्यांना इतर साहित्यिकांपेक्षा वेगळे स्थान देत होते.

 

 

 

पंतप्रधान नरेंद्र मोदी यांनी त्यांच्या निधनावर श्रद्धांजली वाहिली आहे. केंद्र सरकारने भैरप्पा यांना पद्मभूषण पुरस्काराने सन्मानित केले होते. २५ जानेवारी २०२५ रोजी हा पुरस्कार स्वीकारताना भैरप्पा म्हणाले होते की, लेखकाचे कार्य मृत्यूनंतरही प्रासंगिक राहिले तरच त्याचा सन्मान खरी अर्थाने मोलाचा ठरतो. लेखकांसाठी वाचकांच्या मनात स्थान मिळवणे ही सर्वात मोठी पारितोषिके असतात, असे ते नमूद करत होते. भैरप्पा यांनी हे सन्मान म्हैसूरच्या लोकांना समर्पित केले आणि आपल्या गुरु व स्थानिक लोकांचे आभार मानले.

 

 

एस.एल. भैरप्पा यांनी कन्नड साहित्यासह भारतीय भाषांमध्ये आपले कार्य विस्तारित केले. त्यांच्या कादंबऱ्यांचे १४ हून अधिक भारतीय भाषांमध्ये भाषांतर झाले आहे. भारतीय महाकाव्ये, संस्कृती आणि सामाजिक विषयांवर आधारित त्यांच्या कामामुळे ते समाजविचारांना चालना देणारे लेखक S.L. Bhairappa passes away म्हणून प्रसिद्ध झाले. त्यांच्या सर्वाधिक प्रसिद्ध कादंबरी “आवरण” ला वाचक आणि समीक्षकांकडून प्रचंड प्रशंसा मिळाली. एस.एल. भैरप्पा यांचे निधन हे केवळ कन्नड साहित्याचेच नाही, तर संपूर्ण भारतीय साहित्यासाठी अपूरणीय नुकसान ठरले आहे. त्यांच्या लेखनाने भावी पिढ्यांना समाजावर चिंतन करण्यास, प्रश्न विचारण्यास आणि साहित्याद्वारे संवाद साधण्यास प्रेरित केले आहे. त्यांच्या विचारप्रवर्तक लेखनाने आणि सांस्कृतिक दृष्टिकोनाने भारतीय साहित्यिक क्षितिजावर अमिट छाप सोडली आहे.