YouTube मध्ये AI टूल; मुलांसाठी एडल्ट कंटेंटवर बंदी

YouTube-AI feature : जगातील सर्वात मोठ्या व्हिडिओ प्लॅटफॉर्म YouTube ने आपल्या एज एस्टिमेशन टूलमध्ये नवीन AI फीचर लाँच केले आहे, जे मुलांच्या अकाउंटची ओळख पटवू शकेल. या नव्या AI तंत्रज्ञानाद्वारे १८ वर्षाखालील अकाउंट सहज ओळखले जातील आणि अशा अकाउंटवर एडल्ट कंटेंटची शिफारस केली जाणार नाही. गूगलने मुलांच्या अकाउंटसाठी विविध प्रकारच्या प्रतिबंधांची अंमलबजावणी करण्याचा निर्णय घेतला आहे. AI टूल अकाउंटची सक्रियता, पाहिलेले व्हिडिओ, सर्च पॅटर्न आणि अकाउंट क्रिएशनची माहिती यावरून ठरवेल की अकाउंट कोणत्या वयोगटातील व्यक्ती वापरत आहे.

 

 

 

 

 

अनेक युजर्सनी Reddit वर या नव्या फीचरबद्दल प्रतिक्रिया दिल्या आहेत. माइनर अकाउंटसाठी युजर्सना एक पॉप-अप मेसेज मिळाला आहे, ज्यात सांगण्यात आले आहे की अकाउंटची वयाची माहिती सत्यापित होऊ शकलेली नाही. AI टूल अकाउंट वयाचा अंदाज घेऊन त्यानुसार सेटिंग बदलते आणि जर अकाउंट माइनरद्वारे वापरले जात असल्याचे आढळले तर ते माइनर अकाउंटमध्ये रूपांतरित केले जाते. मात्र, चुकीने एडल्ट अकाउंट बदलले गेले असल्यास युजर्स आपली वयाची पडताळणी करून अकाउंट पुन्हा एडल्ट स्टँडर्डमध्ये बदलू शकतात.

 

वयाची पडताळणी करण्यासाठी युजर्सला बर्थ सर्टिफिकेट, सेल्फी किंवा इतर आवश्यक दस्तऐवज अपलोड करावे लागतील. जर युजर आपले वय सत्यापित करण्यात अपयशी ठरले, तर त्यांचे अकाउंट माइनर अकाउंट प्रमाणेच वागवले जाईल आणि एडल्ट कंटेंटवर पूर्ण बंदी लागू केली जाईल.

 

YouTube कडून सांगण्यात आले आहे की, या नव्या फीचरमुळे काही एडल्ट अकाउंट चुकीने माइनरमध्ये बदलले गेले आहेत, पण युजर्स वयाची पडताळणी करून आपले अकाउंट पुनर्स्थापित करू शकतात. हे AI टूल मुलांच्या सुरक्षिततेसाठी प्रभावी पाऊल असल्याचे कंपनीने स्पष्ट केले आहे.