"‘मी निर्दोष आहे...’, पीसीबीच्या तक्रारीवर आयसीसीसमोर बोला कर्णधार सूर्यकुमार

captain-suryakumar-on-pcbs-complaint आशिया कपमध्ये भारत-पाक सामना नेहमीच भावनांनी तापलेला असतो. यंदाच्या पहिल्या गट सामन्यातही असाच प्रसंग पाहायला मिळाला. भारतीय कर्णधार सूर्यकुमार यादवने सामन्यानंतर आपल्या सहकाऱ्यांशी हस्तांदोलन करण्यास नकार दिला आणि विजय थेट भारतीय सैन्य व पहलगाम हल्ल्यातील शहीदांना समर्पित केला. यावरून पाकिस्तान क्रिकेट बोर्डाने (पीसीबी) थेट आयसीसीकडे तक्रार दाखल केली आहे.

 

 

१४ सप्टेंबरला भारताने पाकिस्तानचा ७ गडी राखून पराभव केला. सामना संपल्यानंतर पत्रकार परिषदेत सूर्यकुमार म्हणाले –

"देशासाठी प्राण देणाऱ्यांना हा विजय अर्पण करण्याची संधी आहे. आमचे सैन्य आम्हाला सतत प्रेरणा देते. मैदानावर खेळताना आम्हाला त्यांच्या चेहऱ्यावर आनंद आणायचा आहे." पीसीबीने या विधानाला "राजकीय संदेश" म्हणत खेळाच्या भावनेविरुद्ध असल्याचे नमूद केले. त्यानंतर आयसीसीने दुबईत सुनावणी घेतली. captain-suryakumar-on-pcbs-complaint मीडिया रिपोर्ट्सनुसार, सुनावणीदरम्यान सूर्यकुमार यादवने स्वतःला निर्दोष ठरवले आणि कोणताही नियमभंग झालेला नसल्याचे सांगितले. या वेळी बीसीसीआयचे सीईओ हेमांग अमीन आणि क्रिकेट ऑपरेशन्स मॅनेजर सुमित मल्लापूरकर देखील उपस्थित होते. या प्रकरणावरील आयसीसीचा निकाल २६ सप्टेंबरला जाहीर होणार आहे.

याचबरोबर, बीसीसीआयनेही दोन पाकिस्तानी खेळाडूंविरुद्ध तक्रार दाखल केली आहे. सलामीवीर साहिबजादा फरहान आणि वेगवान गोलंदाज हॅरिस रौफ यांच्या वागणुकीवर आक्षेप घेण्यात आला आहे. captain-suryakumar-on-pcbs-complaint २१ सप्टेंबरच्या सामन्यात अर्धशतक ठोकल्यानंतर फरहानने ‘बंदूक चालवण्याची’ सेलिब्रेशन स्टाईल केली. चाहत्यांनी याला थेट पहलगाम हल्ल्याशी जोडले. त्याच वेळी सीमेजवळ क्षेत्ररक्षण करताना हॅरिस रौफ भारतीय चाहत्यांच्या ‘कोहली-कोहली’ घोषणांनी चिडला आणि त्याने हवेत विमान पाडण्याचा व नंतर बॉम्ब फुटल्याचा इशारा दाखवला. त्यानंतर हाताने ६-० अशी खूणही केली, ज्याला काहींनी पाकिस्तानच्या खोट्या दाव्यांशी – म्हणजेच "७ भारतीय राफेल विमाने पाडल्याच्या" – घटनेशी जोडले. आता सूर्यकुमार यादवसोबत या दोन्ही पाकिस्तानी खेळाडूंची सुनावणीदेखील शुक्रवारीच होणार आहे.