इंटरनॅशनल एमी अवॉर्ड्स 2025साठी ‘चमकीला’ला नामांकन

International Emmy Awards 2025 प्रसिद्ध अभिनेता व गायक दिलजीत दोसांझ आणि दिग्दर्शक इम्तियाज अली यांच्या ‘अमर सिंह चमकीला’ या नेटफ्लिक्सवरील चित्रपटाने आंतरराष्ट्रीय स्तरावर मोठी झेप घेतली आहे. इंटरनॅशनल एमी अवॉर्ड्स 2025 मध्ये या चित्रपटाला दोन प्रतिष्ठित नामांकने मिळाली आहेत. दिलजीत दोसांझ यांना या चित्रपटातील मुख्य भूमिकेसाठी ‘बेस्ट अ‍ॅक्टर’च्या श्रेणीत नामांकन मिळाले असून, चित्रपटालाही ‘बेस्ट टीव्ही मूव्ही/मिनी सिरीज’ या विभागात स्थान मिळाले आहे.

 

 

 

‘अमर सिंह चमकीला’ हा चित्रपट 1980च्या दशकातल्या प्रसिद्ध पंजाबी गायक अमर सिंह चमकीला यांच्या जीवनावर आधारित आहे. पंजाबमधील एका दलित शीख कुटुंबात जन्मलेला चमकीला आपल्या तीव्र, बिनधास्त आणि विद्रोही गीतांनी लोकप्रियतेच्या शिखरावर पोहोचला होता. प्रेम, बंडखोरी आणि समाजाच्या रूढींना आव्हान देणारे त्याचे गीतसंगीत तरुणांमध्ये विशेष लोकप्रिय झाले होते. फक्त 27 वर्षांच्या वयात झालेल्या त्याच्या हत्येमुळे संगीतसृष्टी हादरली होती. हा चित्रपट त्याच्या जीवनाचा झंझावाती प्रवास, संघर्ष आणि अखेरची शोकांतिका प्रभावीपणे उलगडतो.

 

 

दिलजीत International Emmy Awards 2025 दोसांझ यांनी चमकीलाची भूमिका साकारताना केवळ अभिनयच नव्हे, तर गायकी आणि भावनिक संवादाद्वारेही प्रेक्षकांची मने जिंकली. त्यांनी आपल्या या आंतरराष्ट्रीय नामांकनाचे श्रेय थेट दिग्दर्शक इम्तियाज अली यांना दिले आहे. इंस्टाग्रामवरील पोस्टमध्ये दिलजीत म्हणाले, “हे सर्व इम्तियाज अली सरांमुळेच शक्य झाले आहे.” त्यावर प्रतिक्रिया देताना इम्तियाज अली म्हणाले, “आपल्याला खूप अभिमान वाटतो, दिलजीत. तुम्ही या गौरवाचे पूर्णपणे हकदार आहात.”

 

 

या यशाबद्दल इम्तियाज अली यांनी एक व्हिडिओ संदेशही शेअर केला, ज्यात त्यांनी म्हटले, “अनेकांनी मला शुभेच्छा दिल्या, यावरूनच हे किती मोठे यश आहे हे जाणवते. मी संपूर्ण चमकीला टीमचे, पंजाबमधील सर्व कलावंतांचे आभार मानतो, कारण ही फिल्म त्याच भूमीतून निर्माण झाली आहे.”

चित्रपटातील महत्त्वाची भूमिका साकारणाऱ्या अभिनेत्री परिणीती चोप्रानेही आपली प्रतिक्रिया व्यक्त केली. तिने इंस्टाग्रामवर लिहिले, “वाह! मला आमच्या ‘चमकीला’ टीमचा अभिमान आहे!” परिणीतीने या चित्रपटात अमरजोतची – चमकीलाची दुसरी पत्नी – ही भूमिका साकारली होती, ज्यासाठी तिला शारीरिक व मानसिक परिवर्तनाचा मोठा प्रवास करावा लागला.‘अमर सिंह चमकीला’ १२ एप्रिल २०२४ रोजी नेटफ्लिक्सवर प्रदर्शित झाला होता. प्रेक्षक आणि समीक्षकांकडून त्याला प्रचंड प्रतिसाद मिळाला. चित्रपटाची कथा, संगीत, अभिनय आणि दिग्दर्शन या सर्व बाबींचे कौतुक करण्यात आले.भारतासाठी हे नामांकन केवळ कलात्मकतेचा सन्मान नसून, पंजाबी सांस्कृतिक परंपरेची आंतरराष्ट्रीय स्तरावर मान्यता असल्याचे मानले जात आहे. एमी अवॉर्ड्ससाठी मिळालेले हे गौरव नामांकन भारतीय चित्रपटसृष्टीसाठी अभिमानास्पद क्षण ठरला आहे.