हिंदूंचा नाश, लवकरच इस्लामिक राजवट भारतात! VIDEO

Threat of Saifullah Kasuri इस्लामाबादच्या भूमीवर सक्रिय असलेल्या लष्कर-ए-तैयबाचा लष्करी नेता सैफुल्लाह कसुरी याचा एक व्हिडिओ समोर आला आहे, ज्यात तो भारत आणि हिंदू समाजाविरुद्ध उघडपणे हिंसक धमक्या देताना दिसत आहे. कसुरीने भारतातून हिंदूंचा नाश करून इस्लामिक राजवट स्थापण्याची घोषणा केली असून, हा व्हिडिओ पहलगाम हल्ल्यापूर्वीचा असल्याचे सांगितले जात आहे. पहलगाम हल्ल्यात २२ एप्रिल २०२५ रोजी २६ पर्यटकांचा मृत्यू झाला, ज्यात सर्व मृतांमध्ये पुरुष होते. हल्ल्यातील दहशतवाद्यांनी त्यांच्या धर्माबद्दल विचारल्यानंतर त्यांना गोळ्या घालून ठार केले.

 

 

 

 

 

या हल्ल्याच्या मागे कसुरीचा आणि लष्कर-ए-तैयबाचा सहभाग असल्याचे संकेत या व्हिडिओतून मिळतात. कसुरीने आपल्या भाषणात हे देखील सांगितले की हल्ला मुरीदके येथील लष्कर मुख्यालयातून नियोजित करण्यात आला होता आणि भारतावर इस्लामचा झेंडा फडकावण्याशिवाय ते विश्रांती घेणार नाहीत. व्हिडिओमध्ये कसुरीने म्हटले की, इंशा अल्लाह, हा युग येणार आहे, आणि हिंदुस्थान व मूर्तिपूजक हिंदूंचा नाश होणार असल्याची धमकी दिली. तसेच पाकिस्तानची भूमी दहशतवादासाठी वापरल्याबद्दल आभार मानत अल्लाहचा आशीर्वाद घेतल्याचे म्हंटले आहे.

 

 

 

पहलगाम हल्ला हा अपघाती नव्हता, तर नियोजित दहशतवादी कारवाई होती, ज्याची जबाबदारी लष्कर-ए-तैयबा आणि त्याची आघाडी संघटना द रेझिस्टन्स फ्रंटने स्वीकारली. हा हल्ला केवळ निष्पाप नागरिकांवर झाला नाही, तर धार्मिक द्वेष आणि भारताविरुद्धच्या कटाक्षाने नियोजित होता, ज्यामुळे जम्मू-काश्मीरमधील सुरक्षा परिस्थिती पुन्हा एकदा चिंतेचा विषय बनली आहे.