५ कोटी रुपये देण्याची तयारी ठेवा... गैंगस्टरकडून जीवे मारण्याची धमकी?

Raunak Khatri राष्ट्रीय राजधानी दिल्लीतून धक्कादायक प्रकरण समोर आले असून, दिल्ली विद्यापीठाच्या विद्यार्थी संघटनेचे माजी अध्यक्ष रौनक खत्री यांना अज्ञात व्यक्तीकडून जीवे मारण्याची धमकी देण्यात आली आहे. वॉट्सअ‍ॅप कॉल आणि चॅटद्वारे आलेल्या या धमकीत ५ कोटी रुपये खंडणीची मागणी करण्यात आली असून, पैसे न दिल्यास गोळी घालून हत्या करण्यात येईल, अशी धमकी देण्यात आली आहे.

 

 

 

नेहमीच सामाजिक आणि राजकीय क्षेत्रात सक्रिय असलेल्या एनएसयूआयचे (NSUI) युवा नेते रौनक खत्री यांना एका आंतरराष्ट्रीय क्रमांकावरून ही धमकी आली. संबंधित वॉट्सअ‍ॅप क्रमांकाचा कंट्री कोड +380 आहे, जो युक्रेनचा आहे. विशेष म्हणजे, धमकी देणारा व्यक्ती स्वतःला कुख्यात गुंड रोहित गोदारा असल्याचे सांगतो, जो सध्या पोर्तुगालमध्ये असल्याचे मानले जाते. पोर्तुगालचा कंट्री कोड +351 असून, त्यामुळे ही धमकी कुठून आली आणि कोणत्या हेतूने आली याबाबत अनेक प्रश्न निर्माण झाले आहेत.

चॅटद्वारे पाठवलेल्या संदेशात म्हटले आहे, “रोहित गोदारा बोलतोय. तुझी नेतागिरी आता संपली. आमचा फोन किती दिवस टाळशील? आता गोळीच उत्तर देईल. ५ कोटींपेक्षा कमी रकमेवर काहीही बोलणे शक्य नाही.” ही भाषा अत्यंत धमकीदायक असून, रौनक खत्रींनी तात्काळ दिल्ली पोलिसांशी संपर्क साधून तक्रार दाखल केली आहे.

 

 

 

या प्रकरणाची Raunak Khatri गंभीर दखल घेत, दिल्ली पोलिसांनी तपास सुरू केला आहे. सायबर सेलसह विशेष शाखाही या प्रकरणात सक्रिय झाली असून, वॉट्सअ‍ॅप कॉल आणि चॅट्सचे तांत्रिक विश्लेषण सुरू आहे. वापरण्यात आलेला नंबर ट्रेस केला जात असून, कोणत्या नेटवर्कवरून हे कॉल्स आणि मेसेजेस आले, याचीही चौकशी केली जात आहे.दरम्यान, रौनक खत्रींनी माध्यमांशी बोलताना स्पष्टपणे सांगितले की, "मी अशा धमक्यांना घाबरत नाही. कायदा आणि पोलिसांवर माझा पूर्ण विश्वास आहे. माझा आवाज दबवण्याचा प्रयत्न कोणीही करू शकत नाही."पोलिसांनी रौनक खत्रींच्या सुरक्षेसाठी अतिरिक्त खबरदारी घेतली असून, त्यांच्या हालचालींवरही विशेष लक्ष ठेवले जात आहे. सोशल मीडिया, कॉल रेकॉर्ड्स आणि इंटरनॅशनल नेटवर्क्सच्या माध्यमातून गुन्हेगारांपर्यंत पोहोचण्याचा प्रयत्न सुरू आहे.या प्रकारामुळे विद्यापीठाच्या राजकारणातही खळबळ उडाली असून, विद्यार्थ्यांमध्ये भीतीचे वातावरण निर्माण झाले आहे. विद्यापीठ प्रशासनानेही या घटनेची गंभीर दखल घेत, रौनक खत्री आणि इतर विद्यार्थ्यांच्या सुरक्षिततेबाबत पोलिसांशी संपर्क साधला आहे.तपास यंत्रणांकडून लवकरच या प्रकरणात मोठा खुलासा होण्याची शक्यता असून, या धमकीखोरांपर्यंत पोहोचण्यासाठी आंतरराष्ट्रीय पातळीवरही सहकार्य घेतले जाण्याची शक्यता वर्तवण्यात येत आहे.