भारत अ संघ ऑस्ट्रेलिया अ संघाशी भिडणार!

India vs Australia : ऑस्ट्रेलिया अ संघ सध्या भारतात आहे आणि दोन सामन्यांची अनधिकृत कसोटी मालिका गमावल्यानंतर, एकदिवसीय मालिकेत पुनरागमन करण्यासाठी सज्ज आहे. तीन सामन्यांची अनधिकृत एकदिवसीय मालिका आज, ३० सप्टेंबर रोजी कानपूरमधील ऐतिहासिक ग्रीन पार्क स्टेडियमवर सुरू होत आहे. ओल्या मैदानामुळे टॉसला उशीर झाला आहे.

 

 

 

 

 

या मालिकेत श्रेयस अय्यर भारत अ संघाचे नेतृत्व करत आहे. भारत अ संघात फिरकी गोलंदाज रवी बिश्नोई, यष्टिरक्षक-फलंदाज प्रभसिमरन सिंग, अष्टपैलू रियान पराग आणि आयुष बदोनी यांचा समावेश आहे. आशिया कपमध्ये सर्वाधिक धावा करणारा अभिषेक शर्मा आणि स्फोटक फलंदाज तिलक वर्मा, जलद गोलंदाज हर्षित राणा आणि अर्शदीप सिंग यांच्यासह, दुसऱ्या (३ ऑक्टोबर) आणि तिसऱ्या (५ ऑक्टोबर) सामन्यांसाठी भारत अ संघात सामील होतील.