बांगलादेश-भारत क्रिकेट वादात बांगलादेशची एन्ट्री

Bangladesh-India Cricket Controversy भारत आणि बांगलादेशमधील क्रिकेट वाद आता एका नवीन वळणावर आला आहे. पाकिस्तान क्रिकेट बोर्डाने (पीसीबी) आंतरराष्ट्रीय क्रिकेट परिषदेकडे (आयसीसी) संपर्क साधून बांगलादेशच्या टी-२० विश्वचषक २०२६ चे काही सामने आयोजित करण्याची ऑफर दिली आहे. ही घटना बांगलादेश क्रिकेट बोर्डाने (बीसीबी) भारतात सामने खेळण्यास नकार दिल्यानंतर उघडकीस आली. बीसीबीने सुरक्षा चिंता आणि “राष्ट्रीय अपमान” या कारणास्तव भारतात खेळण्यास विरोध दर्शवला होता.

 

 

 

संपूर्ण वाद सुरू होण्यामागे कारण आहे, भारतीय क्रिकेट नियामक मंडळाने (बीसीसीआय) आयपीएल फ्रँचायझी कोलकाता नाईट रायडर्सला (केकेआर) निर्देश दिले की मुस्तफिजूर रहमानला त्यांच्या संघातून वगळावे. केकेआरने या बांगलादेशी खेळाडूला ₹९.२ कोटींमध्ये विकत घेतले होते, पण बीसीसीआयच्या सूचनेनुसार त्याला सोडावे लागले. बीसीसीआयने कोणतेही ठोस कारण दिले नाही, ज्यामुळे बांगलादेशमध्ये मोठी नाराजी पसरली. यानंतर बीसीबीने फक्त आयपीएलचे प्रसारण भारतात बंद केले नाही, तर त्यांच्या सामन्यांना भारताबाहेर हलवण्याची मागणी देखील केली.

टी-२० विश्वचषकात बांगलादेश चार लीग स्टेज सामने खेळणार आहे, त्यापैकी तीन कोलकाता आणि एक मुंबईत होणार आहेत. आयसीसीने बीसीबीची ही मागणी फेटाळून लावली, परंतु बीसीबी सुरक्षेच्या कारणास्तव भारतात खेळाडू पाठवू इच्छित नाही. या परिस्थितीत पाकिस्तान क्रिकेट बोर्डाने आयसीसीला प्रस्ताव दिला आहे की ते बांगलादेशचे सामने आयोजित करण्यास तयार आहेत. तरीही, आयसीसीकडून पाकिस्तानचा प्रस्ताव स्वीकारला जाईल अशी शक्यता कमी आहे.