दरभंगाच्या शेवटच्या महाराणी काम सुंदरी देवी यांचे निधन!

Maharani Kam Sundari Devi has passed away बिहारमधील दरभंगाचे महाराजा कामेश्वर सिंह यांच्या तिसऱ्या आणि शेवटच्या पत्नी, काम सुंदरी देवी (वय ९६) यांचे सोमवारी सकाळी निधन झाले. त्या बऱ्याच काळापासून आजारी होत्या. त्यांच्या खाजगी निवासस्थानी, राज कॉम्प्लेक्समधील कल्याणी निवास येथे त्यांनी अखेरचा श्वास घेतला. काम सुंदरी देवी भारतातील शेवटच्या जिवंत महाधिराणी होत्या. त्यांच्या अंत्यसंस्काराचे आयोजन राजकीय सन्मानाने करण्यात येणार आहे. या पार्श्वभूमीवर प्रशासकीय तयारी सुरू आहे, मात्र महाधिराणींच्या नातू राजकुमार कपिलेश्वर सिंह यांचे आगमन अपेक्षित आहे.

 

 

 

महाधिराणींच्या निधनाची बातमी समोर येताच संपूर्ण मिथिलामध्ये शोककळा पसरली आहे. उपविभागीय अधिकारी आणि अनेक मान्यवर शोक व्यक्त करण्यासाठी पोहोचले आहेत. काम सुंदरी देवी यांचे लग्न १९४० मध्ये झाले होते. महाराजा कामेश्वर सिंह यांची पहिली पत्नी कामेश्वरी प्रिया आणि दुसरी पत्नी राज लक्ष्मी यांचे आधीच निधन झाले आहे. महाधिराणी काम सुंदरी देवी यांनी आपल्या पतीच्या स्मृतिप्रीत्यर्थ ‘महाराजाधीराज कामेश्वर सिंह कल्याणी फाउंडेशन’ची स्थापना केली, ज्याद्वारे महाराजांचे कार्य जनतेपर्यंत पोहोचवले गेले. त्यांच्या निधनाने भारतातील राजेशाहीचा शेवटचा अवशेष संपल्याचे मानले जात आहे.