त्वरित जाणून घ्या आपले मतदान केंद्र; मनपाचा नवा डिजिटल उपक्रम सुरू

municipal-corporation-digital-initiative नागपूर महानगरपालिका सार्वत्रिक निवडणुकीच्या पार्श्वभूमीवर मतदारांना आपले मतदान केंद्र सहज आणि तात्काळ शोधता यावे, यासाठी मनपाच्या माहिती व तंत्रज्ञान विभागाने अत्याधुनिक डिजिटल प्लॅटफॉर्म विकसित केला आहे. या सुविधेमुळे आता मतदारांना मतदान केंद्र शोधण्यासाठी कुठलाही गोंधळ राहणार नाही.

 

 

मनपाचे आयुक्त तथा निवडणूक अधिकारी डॉ. अभिजीत चौधरी यांनी आज पत्रकार परिषदेत या नव्या सुविधेची सविस्तर माहिती दिली. लोकसभा व विधानसभा निवडणुकीनंतर शहरातील मतदारसंख्येत वाढ झाल्यामुळे काही मतदारांची मतदान केंद्रे बदलली जाण्याची शक्यता आहे. यामुळे मतदारांमध्ये संभ्रम निर्माण होऊ नये, म्हणून हा डिजिटल उपक्रम राबविण्यात आल्याचे त्यांनी स्पष्ट केले. या सुविधेमुळे मतदार मनपाच्या अधिकृत संकेतस्थळासह ‘माय नागपूर’ अ‍ॅप, मनपाचा चॅटबॉट आणि एआय मित्राच्या माध्यमातून आपले मतदान केंद्र शोधू शकणार आहेत. municipal-corporation-digital-initiative मनपाचे माहिती व तंत्रज्ञान अधिकारी स्वप्निल लोखंडे यांच्या नेतृत्वाखाली या डिजिटल प्लॅटफॉर्मची निर्मिती करण्यात आली आहे.