राहुल गांधी अयोध्येतील राम मंदिराला भेट देणार?

Rahul Gandhi will visit the Ram temple उत्तर प्रदेशातील अयोध्येतील भव्य राम मंदिर पूर्ण झाल्यानंतर हजारो भाविक राम लल्लाचे दर्शन घेण्यासाठी येत आहेत. पंतप्रधान नरेंद्र मोदीसह भाजप आणि इतर राजकीय पक्षांचे नेतेही राम मंदिराला भेट देत आहेत. मात्र काँग्रेस खासदार आणि लोकसभेतील विरोधी पक्षनेते राहुल गांधी राम मंदिराला भेट देणार की नाही, यावर चर्चेचा विषय होता. आता अशी माहिती समोर आली आहे की राहुल गांधी लवकरच राम मंदिराला भेट देऊ शकतात.

 

 

उत्तर प्रदेशातील बाराबंकी येथील लोकसभा खासदार तनुज पुनिया यांनी राहुल गांधींच्या राम मंदिर भेटीबाबत माहिती दिली. पत्रकार परिषदेत त्यांनी सांगितले, राहुलजींनी स्पष्ट केले होते की ते संपूर्ण मंदिर बांधून झाल्यानंतरच राम मंदिराला भेट देतील. चार शंकराचार्यांनीही स्पष्ट केले होते की शिखरावर ध्वजारोहण झाल्यानंतरच मंदिराला भेट दिली जाईल. आता मंदिर पूर्ण झाले असल्याने, राहुलजी लवकरच राम मंदिराला भेट देतील.

 

गेल्या वर्षी २५ नोव्हेंबर रोजी अयोध्येतील श्री राम मंदिराच्या शिखरावर ध्वजारोहण झाले होते. या समारंभात पंतप्रधान नरेंद्र मोदी, राष्ट्रीय स्वयंसेवक संघाचे प्रमुख मोहन भागवत, उत्तर प्रदेशचे मुख्यमंत्री योगी आदित्यनाथ आणि राज्यपाल आनंदीबेन पटेल उपस्थित होते. या कार्यक्रमानंतर राम मंदिर भक्तिपूर्ण ठिकाण म्हणून सर्वांसाठी खुले झाले आहे.