रामकृष्ण वाघ कॉलेजमध्ये युवा दिन व जिजाऊ जयंती उत्सव

Jijau Jayanti छत्रपती शाहू महाराज शिक्षण संस्थेत चालवलेल्या रामकृष्ण वाघ कॉलेज ऑफ आर्ट्स अँड कॉमर्स मध्ये ‘करिअर कट्टा’ उपक्रमाअंतर्गत युवा दिन व राजमाता जिजाऊ जयंती उत्साहात साजरी करण्यात आली. कार्यक्रमाची सुरुवात महाराष्ट्र गीताने झाली. त्यानंतर माता सरस्वती, राजमाता जिजाऊ आणि स्वामी विवेकानंद यांच्या प्रतिमांचे पूजन व दीपप्रज्वलन करण्यात आले. संगीत विभाग प्रमुखांनी स्वामी विवेकानंद यांच्या कार्यकौशल्याचे गौरवगीत सादर केले.

 

 

कार्यक्रमात संस्थेच्या संस्थापिका व अध्यक्षा लता वाघ, कार्यकारी प्राचार्य प्रा. पंकज झगडे, सर्व शाखा विभाग प्रमुख व करिअर कट्टा समन्वयक उपस्थित होते. याच कार्यक्रमाअंतर्गत बारामती येथे राज्यस्तरीय करिअर संसदेचे पाच दिवसीय अधिवेशन पार पडले. Jijau Jayanti सहभागी विद्यार्थ्यांचे प्रमाणपत्र व गुलाबाचे फुल देऊन सत्कार करण्यात आला आणि त्यांनी अनुभव विद्यार्थ्यांसमोर मांडले. अध्यक्षीय मनोगतात लता वाघ यांनी सांगितले की, विद्यार्थ्यांनी केवळ पदवीपुरती न थांबता ध्येय निश्चित करून कौशल्य विकास, सातत्यपूर्ण अभ्यास आणि आत्मविश्वास यांचा अवलंब करावा. कार्यक्रमाचे सूत्रसंचालन प्रा. सुषमा वडस्कर यांनी केले, आभार प्रा. संजय पाठक यांनी मानले आणि सांगता राष्ट्रगीताने झाली.