चंद्रपुरात मतदान करतानाचा व्हिडीओ व्हायरल...

Video goes viral in Chandrapur राज्यातील २९ महानगरपालिकांसाठी आज सकाळपासून मतदान सुरू असताना चंद्रपूरमधील विवेक नगर प्रभाग क्रमांक ५ मध्ये एक धक्कादायक प्रकार समोर आला आहे. येथे एका मतदाराने मतदान करताना आपला मतदानाचा संपूर्ण व्हिडीओ शूट केला आणि तो सोशल मीडियावर चांगलाच व्हायरल झाला. मतदाराने शूट केलेल्या व्हिडीओमध्ये तो भाजपच्या चिन्हासमोरील बटण प्रेस करताना दिसत आहे. मात्र, मतदान केंद्रात मोबाईल वापरावर स्पष्ट बंदी असूनही हा व्हिडीओ कसा शूट झाला याबाबत संभ्रम निर्माण झाला आहे. व्हिडीओ कोणाच्या निर्देशाखाली काढला गेला आणि त्याचा उद्देश्य काय होता, हे अद्याप अस्पष्ट आहे.

 

 

 

याचवेळी, एकोरी प्रभागातील नेहरू शाळा मतदान केंद्रावर सकाळी ७:३० वाजता सुरू झालेल्या मतदान प्रक्रियेत ललित कासट आणि रशीद हुसेन यांच्या पत्नी यांच्यात मारहाणीची घटना घडली. या घटनेमुळे परिसरात तणाव निर्माण झाला, तर पोलिसांनी सौम्य लाठीमार करून परिस्थिती नियंत्रित केली.

 

 

उल्लेखनीय आहे की, ललित कासट हे आमदार किशोर जोरगेवार यांचे तत्कालीन सहाय्यक आहेत आणि त्यांची पत्नी दीपा कासट या प्रभागातील अपक्ष उमेदवार आहेत. तर रशीद हुसेन यांच्या पत्नी इस्मात हुसेन शिवसेना शिंदे पक्षाच्या उमेदवार आहेत. या घटनेमुळे काही काळ मतदान केंद्रावर वातावरण तापलेले होते, मात्र प्रशासनाने तत्काळ हस्तक्षेप करून शांतता कायम ठेवली. मतदानाच्या सुरुवातीपासूनच अनेक ठिकाणी बोगस मतदान, मतदान यंत्रातील बिघाड आणि बोटावरील शाई पुसली जाण्यासारख्या अनेक प्रकार समोर येत आहेत. या घटनांमुळे नागरिकांमध्ये मतमोजणीसाठी चिंता निर्माण झाली आहे.