पुष्पा भाऊचा 'क्रेझ' कायम जपानमध्ये डंका!

Pushpa 2 टॉलीवूडचा आयकॉन स्टार अल्लू अर्जुन सध्या जागतिक स्तरावर चर्चेचा केंद्रबिंदू ठरत आहे. ‘पुष्पा’ फ्रँचायझीतील पुष्पा राज या भूमिकेमुळे त्याने केवळ भारतीयच नव्हे तर आंतरराष्ट्रीय प्रेक्षकांच्या मनावरही आपली ठळक छाप उमटवली आहे. त्याची स्टाइल, करिश्मा आणि प्रभावी स्क्रीन उपस्थिती यामुळे तो आज पॅन-इंडियातील सर्वात मोठ्या ताऱ्यांपैकी एक मानला जातो.

 

 

दरम्यान, अल्लू अर्जुनचा बहुप्रतिक्षित चित्रपट ‘पुष्पा 2: द रूल’ जपानमध्ये भव्य प्रदर्शनासाठी सज्ज झाला आहे. हा चित्रपट 16 जानेवारी 2026 रोजी जपानमध्ये ‘पुष्पा कुन्लिन’ या नावाने प्रदर्शित होणार आहे. यानिमित्ताने अल्लू अर्जुन नुकताच टोक्यो येथे दाखल झाला असून तो जपानी चाहत्यांशी संवाद साधत चित्रपटाचा जोरदार प्रचार करत आहे.चित्रपटाच्या निर्मात्यांनी टोक्यो प्रीमियरचा एक विशेष व्हिडिओ सोशल मीडियावर शेअर केला आहे. या व्हिडिओत अल्लू अर्जुन ‘पुष्पा’मधील आपला गाजलेला आयकॉनिक डायलॉग थेट जपानी भाषेत म्हणताना दिसतो. डायलॉग पूर्ण होताच थिएटरमधील प्रेक्षकांनी टाळ्यांच्या गजरात आणि जल्लोषात त्याचे स्वागत केले, ज्यामुळे चित्रपटाबद्दलची उत्सुकता अधिकच वाढली आहे.

 

 

‘पुष्पा 2: द रूल’ Pushpa 2  जपानमध्ये पोहोचवण्यासाठी Geek Pictures आणि Shochiku या डिस्ट्रीब्युटर्सनी Mythri Movie Makers आणि सुकुमार रायटिंग्ससोबत भागीदारी केली आहे. हा चित्रपट जपानमधील सुमारे 250 सिनेमागृहांमध्ये प्रदर्शित होणार आहे. याआधीही जपानी प्रेक्षकांनी मोठ्या भारतीय ब्लॉकबस्टर चित्रपटांना भरभरून प्रतिसाद दिला असल्याने, ‘पुष्पा 2’ देखील जपानमध्ये यशस्वी ठरेल, असा विश्वास निर्मात्यांनी व्यक्त केला आहे.दरम्यान, ‘पुष्पा 2: द रूल’ने बॉक्स ऑफिसवर ऐतिहासिक यश मिळवले आहे. देशभरातील प्रेक्षकांचे मन जिंकतानाच, या चित्रपटाने हिंदी आवृत्तीतून तब्बल 800 कोटी रुपयांची कमाई केली असून, जगभरातून जवळपास 1800 कोटी रुपयांचा गल्ला जमवला आहे. या कमाईसह अल्लू अर्जुनने भारतीय सिनेमाच्या इतिहासात नवा विक्रम प्रस्थापित केला आहे.

भविष्यातील प्रोजेक्ट्सबाबतही Pushpa 2  अल्लू अर्जुनचे नाव चर्चेत आहे. तो सध्या प्रसिद्ध दिग्दर्शक एटली यांच्यासोबत एका महत्वाकांक्षी हाय-ऑक्टेन अ‍ॅक्शन थ्रिलरची तयारी करत असून, हा प्रोजेक्ट सध्या AA22xA6 या नावाने ओळखला जात आहे. या चित्रपटात दीपिका पादुकोण महत्त्वपूर्ण भूमिकेत दिसणार आहे. याशिवाय, अल्लू अर्जुन आणि लोकेश कनगराज यांच्या नव्याने जाहीर झालेल्या प्रोजेक्टमुळेही चाहत्यांमध्ये प्रचंड उत्सुकता निर्माण झाली आहे. त्यामुळे येणाऱ्या काळात अल्लू अर्जुनचे चित्रपट भारतीय सिनेमातील सर्वाधिक प्रतीक्षित चित्रपटांमध्ये गणले जाणार, हे निश्चित आहे.