पॉवरकॉन व्हेंचर्सकडून जी.डब्ल्यू.सी.ई.टी. येथे रोजगार संधी

Job opportunities गोविंदराव वंजारी कॉलेज ऑफ इंजिनिअरिंग अँड टेक्नॉलॉजी (जी.डब्ल्यू.सी.ई.टी.) येथे पॉवरकॉन व्हेंचर्स इंडिया प्रायव्हेट लिमिटेडच्या सहकार्याने पूल कॅम्पस भरती मोहीम यशस्वीपणे पार पडली. या मोहिमेत मेकॅनिकल व इलेक्ट्रिकल शाखेच्या डिप्लोमा तसेच बी.ई.बी.टेक विद्यार्थ्यांचा सहभाग होता. विदर्भातील विविध पॉलिटेक्निक व अभियांत्रिकी संस्थांमधील विद्यार्थ्यांनी मोठ्या संख्येने सहभाग घेतला. कठोर व पारदर्शक निवड प्रक्रियेनंतर एकूण ५८ उमेदवारांची निवड करण्यात आली असून, यापैकी जी.डब्ल्यू.सी.ई.टी.च्या सहा विद्यार्थ्यांना नोकरीची संधी मिळाली.

 

 

संवाद सत्रात विद्यार्थ्यांना पवन व सौर ऊर्जा क्षेत्रातील करिअर संधी, उद्योगाच्या अपेक्षा व कौशल्य सज्जतेबाबत मार्गदर्शन करण्यात आले. Job opportunities  प्राचार्य डॉ. सलीम चव्हाण यांनी नवीकरणीय ऊर्जा क्षेत्र हे भविष्यातील महत्त्वाचे करिअर क्षेत्र असल्याचे सांगितले. प्रशिक्षण व प्लेसमेंट डीन डॉ. अनिल तिजारे यांनी उद्योग-संलग्न शिक्षणाद्वारे विद्यार्थ्यांची रोजगारक्षमता वाढवण्यावर भर दिला.

 

निवड झालेल्या डिप्लोमा विद्यार्थ्यांना ₹४.६९ ते ₹५.१३ लाख, तर अभियांत्रिकी विद्यार्थ्यांना ₹५.२२ ते ₹५.८१ लाख प्रतिवर्ष पगार पॅकेज जाहीर करण्यात आले. हा कार्यक्रम अमर सेवा मंडळाच्या अध्यक्षा डॉ. सुहासिनीजी वंजारी, सचिव अ‍ॅड. अभिजीतजी वंजारी व कोषाध्यक्षा डॉ. स्मिताजी ए. वंजारी यांच्या मार्गदर्शनाखाली पार पडला. Job opportunities  या उपक्रमामुळे जी.डब्ल्यू.सी.ई.टी.चे उद्योग-संलग्न शिक्षण व हरित ऊर्जा क्षेत्रातील योगदान अधिक भक्कम झाले आहे.