निवडणूक LIVE...पहिल्या टप्प्यात महायुती पुढे, ठाकरे बंधू मागे...नागपुरात भाजप युतीचा बहुमताचा आकडा पार

Nagpur: BJP is leading. महाराष्ट्रातील २९ महानगरपालिकांच्या निवडणुकीचे निकाल आज जाहीर होणार आहेत. सकाळी १० वाजता मतमोजणी सुरू झाली असून संध्याकाळपर्यंत प्रत्येक महानगरपालिकेत कोण विजयी झाला हे स्पष्ट होईल. या २९ महानगरपालिकांमध्ये एकूण ८९३ वॉर्ड आहेत, ज्यामध्ये २,८६९ जागांसाठी १५,९३१ उमेदवार निवडणूक लढवत आहेत. अंदाजे ३४.८ दशलक्ष मतदारांनी आपले मत दिले असून त्यांचे भवितव्य आजच ठरेल.

 

 

 

 

 

 

 

 

 

 

 

 

 

 

 

सकाळी १० वाजल्यापासून मतमोजणीला सुरूवात झाली असून आता सुरूवातीचे कल हाती आले आहे. या कलानुसार मुंबईतील २२७ वॉर्डपैकी महायुती ६९ जागांवर आघाडीवर आहे. तर ठाकरे बंधू ४२ जागांवर आघाडीवर आहे. तर स्वबळाचा नारा देत स्वतंत्र निवडणूक लढवलेला काँग्रेस पक्ष ११ जागांवर आघाडीवर आहेत. तर इतर ६ जागांवर आघाडीवर आहेत.  सुरूवातीच्या कलानुसार, मुंबई महानगर पालिकेमधील २२७ वॉर्डपैकी ५१ वॉर्डमधील भाजपचे उमेदवार आघाडीवर आहेत. शिवसेना शिंदे गटाचे १८ उमेदवार आघाडीवर आहेत. ठाकरे बंधूनी युती करत मुंबई महानगर पालिकेची निवडणूक लढवली होती. शिवसेना ठाकरे गट ३५ जागांवर आघाडीवर आहे. मनसे ७ जागांवर आघाडीवर आहे. काँग्रेस ११ जागांवर आघाडीवर आहे. राष्ट्रवादी काँग्रेस १ जागांवर आघाडीवर आहे. तर इतर ६ जागांवर आघाडीवर आहेत.

 

 

 

 

नागपूर महानगरपालिकेच्या मतमोजणीला टपाल मतांच्या मोजणीपासून आज सकाळी सुरुवात झाली असून प्राथमिक कल समोर येत आहेत. सुरुवातीच्या फेरीत भाजप आघाडीवर आहे, तर काँग्रेसला काही ठिकाणी सुरुवातीची आघाडी मिळत असल्याचे दिसून येत आहे. शिवसेना, राष्ट्रवादी काँग्रेस, ठाकरे गट, मनसे, शरद पवार गट आणि इतर पक्षांना या टप्प्यावर आपले खाते उघडता आलेले नाही. नागपूर महानगरपालिकेत एकूण १५१ जागांसाठी निवडणूक झाली असून सुरुवातीच्या टप्प्यातील आघाडीची स्थिती अशी आहे: भाजप १४ जागांवर आघाडीवर, शिवसेना, राष्ट्रवादी आणि ठाकरे गटाकडे आत्तापर्यंत कोणतीही जागा नाही. सर्वांचे लक्ष पुढील फेऱ्यांकडे लागले आहे, कारण प्राथमिक कलानंतरही चित्र बदलू शकते. अधिकृत निकालांसाठी मतमोजणी सुरूच आहे आणि संपूर्ण परिणाम जाहीर होईपर्यंत राजकीय समीकरणावर चर्चा सुरु राहणार आहे.