हिंदूंना मतदान करणे हराम!

Inflammatory statements of clerics बांगलादेशातील सार्वत्रिक निवडणुकीच्या आधी सोशल मीडियावर काही आक्षेपार्ह व्हिडिओ समोर आले आहेत, ज्यात काही धर्मगुरू आणि धार्मिक वक्ते हिंदूंविरुद्ध द्वेषपूर्ण विधाने करताना दिसत आहेत. या व्हिडिओंमध्ये लोकांना हिंदू किंवा बिगर-मुस्लिम उमेदवारांना मतदान न करण्याचे आवाहन करताना दाखवले आहे, ज्यामुळे बांगलादेशातील अल्पसंख्याक समुदायांच्या सुरक्षिततेबद्दल गंभीर चिंता निर्माण झाली आहे. व्हायरल झालेल्या एका व्हिडिओमध्ये एका धार्मिक कार्यक्रमादरम्यान धर्मगुरू म्हणतो की कोणत्याही हिंदू किंवा "काफिर" उमेदवाराला मतदान करणे इस्लाममध्ये हराम आहे. या विधानामुळे निवडणुकीपूर्वीचे वातावरण बिघडवण्याचा भास होतो. दुसऱ्या व्हिडिओमध्ये काही वक्ते हिंदू मंदिरे आणि धार्मिक संस्थांना उघडपणे धमक्या देताना दिसत आहेत. त्यात मंदिरे आणि मूर्ती नष्ट करण्याबाबतही बोलले जात आहे. बांगलादेशातील इस्कॉन संघटनेचा उल्लेख देखील व्हिडिओत आहे.

 

 

 

अशा प्रकारचे व्हिडिओ या वेळी समोर आले आहेत जेव्हा अलिकडच्या काळात बांगलादेशातील हिंदू समुदायावर अनेक हल्ले झाले आहेत. या घटनांमध्ये अनेक नागरिकांचा मृत्यू झाला असून, त्यामुळे भीतीचे वातावरण निर्माण झाले आहे. भारत सरकारने या घटनांबद्दल तीव्र चिंता व्यक्त केली आहे. परराष्ट्र मंत्रालयाचे प्रवक्ते रणधीर जयस्वाल यांनी सांगितले की बांगलादेशात अल्पसंख्याकांवर आणि त्यांच्या मालमत्तेवर वारंवार होणारे हल्ले ही गंभीर बाब आहे. त्यांनी या प्रकरणांमध्ये जलद आणि कठोर कारवाई करणे आवश्यक असल्याचेही नमूद केले. तसेच, हल्ल्यांना वैयक्तिक वाद किंवा राजकीय वाद म्हणून नाकारणे चुकीचे असल्याचे त्यांनी स्पष्ट केले.

 

 

अलीकडील घटनांमध्ये २५ वर्षीय मिथुन सरकारच्या मृत्यूचा समावेश आहे. चोरीचा आरोप लावल्यावर जमावाने त्याच्यावर हल्ला केला; जीव वाचवण्यासाठी तो कालव्यात उडी मारला, पण त्याचा बुडून मृत्यू झाला. गेल्या काही आठवड्यात मोनी चक्रवर्ती, राणा प्रताप बैरागी, खोकन चंद्र दास यांसह अनेक हिंदू नागरिकांचा मृत्यू झाला असून, दीपू चंद्र दास यांच्यावर मारहाण करून त्यांचा खून झाल्याची घटना देखील समोर आली आहे.