“…आणि पप्पांचे घोरणे थांबले”; ७ वर्षांच्या चिमुकलीच्या साक्षीने आईचा काळा कट उघड

 

कानपूरमधील किदवई नगरच्या वाय ब्लॉक परिसरात राहणारे प्रतीक कुमार शर्मा हे नौबस्ता भागात मेडिकल स्टोअर चालवत होते. २०१७ साली त्यांचा विवाह अयोध्येतील नेहा शर्मा हिच्याशी झाला होता. या दाम्पत्याला दोन मुले होती—सात वर्षांची मुलगी आणि एक लहान मुलगा. मात्र सुखी दिसणाऱ्या या कुटुंबामागे एक धक्कादायक कट रचला जात होता ६ मार्च २०२४ रोजी नेहाने माहेरी जाण्याचा बहाणा करत प्रतीक आणि दोन्ही मुलांना घेऊन घर सोडले. wife-killed-husband-in-kanpur चौकशीत समोर आले की नेहाचे प्रतीकचा मित्र आयुष शर्मा याच्यासोबत अनैतिक संबंध होते. आयुषदेखील मेडिकल व्यवसायाशी संबंधित होता आणि तो नेहमी प्रतीकच्या घरी येत-जात असे. नेहा, प्रतीक आणि मुले लखनऊला पोहोचले, जिथे ते पाच दिवस एका हॉटेलमध्ये थांबले.

प्रकरणाला वळण मिळाली ती प्रतीकच्या मुलीच्या जबाबामुळे. तिने न्यायालयात दिलेल्या साक्षीत सांगितले की, आयुषने एका ग्लासमध्ये पांढऱ्या रंगाची पावडर मिसळली आणि नेहाने झोपेत असलेल्या प्रतीकला ते प्यायला दिले. त्यानंतर प्रतीकचे घोरणे अचानक थांबले. घाबरल्याचे नाटक करत नेहाने रुग्णवाहिका बोलावून त्याला  रुग्णालयात नेले, मात्र तिथेच प्रतीकचा मृत्यू झाला. कुटुंबीयांना संशय येऊ नये म्हणून तिथेच अंत्यसंस्कार करण्यात आले. wife-killed-husband-in-kanpur १२ मार्च रोजी नेहा मुलांसह कानपूरला परतली आणि वाटेत गाडी बिघडल्यामुळे प्रतीक काही दिवसांनी येतील, असे खोटे सांगितले. मात्र प्रतीकचा फोन बंद असल्याने संशय वाढू लागला. १६ मार्च रोजी नेहा मुलांना औषध देण्याच्या बहाण्याने घराबाहेर पडली आणि पुन्हा परतलीच नाही.

यानंतर प्रतीकचे वडील पुनीत कुमार शर्मा यांनी नौबस्ता पोलीस ठाण्यात मुलगा, सून आणि नातवंडांच्या बेपत्ता होण्याची तक्रार दाखल केली. पोलिस तपासात नेहा आणि आयुष यांच्यातील संबंध उघड झाले. दोघांनी संगनमत करून लखनऊतील हॉटेलमध्ये प्रतीकला विष देऊन ठार मारल्याचे आणि पुरावे नष्ट करण्यासाठी अंत्यसंस्कार केल्याचे स्पष्ट झाले. नौबस्ता पोलिसांनी गुन्हा दाखल करून नेहा आणि आयुष यांना अटक केली. खटल्यादरम्यान अभियोजन पक्षाने सात साक्षीदार सादर केले, त्यात प्रतीकच्या मुलीची साक्ष अत्यंत महत्त्वाची ठरली. तिने न्यायालयात सांगितले,