दोन मुस्लिम देशांतील मतभेदाचा भारताने घेतला फायदा, पाकिस्तानचे नियोजन फसले

trade-agreement-between-india-and-uae पाकिस्तान आणि भारताच्या आसपासचे सामरिक-सांस्कृतिक नकाशे वेगाने बदलत आहेत. पाकिस्तानमध्ये दोन मोठ्या बातम्या चर्चेत आहेत. एक म्हणजे, पाकिस्तानचे संरक्षण मंत्री ख्वाजा आसिफ यांनी जाहीर केले की सौदी अरेबियासोबतच्या संरक्षण कराराचा विस्तार केला जाईल आणि या कराराबाबत दोन्ही देश मिळून निर्णय घेतील. दुसरी महत्त्वाची बातमी म्हणजे भारत-यूएईने सोमवारी तीन अब्ज डॉलरच्या LNG करारावर स्वाक्षरी केली. या डीलमुळे भारत आणि यूएईमधील व्यापारी तसेच संरक्षण संबंध अधिक बळकट होतील, तर भारत-पाकिस्तानातील शत्रुत्व अजूनच घट्ट होत आहे.

 

 

भारत-यूएई संबंधांचा हा ताजा अध्याय म्हणजे, यूएईचे राष्ट्रपती शेख मोहम्मद बिन जायद अल-नाहयान यांचा दोन तासांचा विशेष भारत दौरा. या दौऱ्यात त्यांनी पंतप्रधान नरेंद्र मोदींसोबत द्विपक्षीय चर्चा केली आणि भारताने यूएईकडून 10 वर्षांसाठी दरवर्षी 5 लाख मेट्रिक टन LNG खरेदी करण्याचा करार केला. या करारामुळे भारत यूएईचा सर्वात मोठा ग्राहक बनला असून, एडीएनओसीचा भारतासोबतचा एकूण करार 20 अब्ज डॉलरपेक्षा अधिक झाला आहे. तसेच, दोन्ही नेत्यांनी पुढच्या सहावर्षात द्विपक्षीय व्यापार 200 अब्ज डॉलरपर्यंत वाढवण्याचा आणि रणनितीक संरक्षण भागीदारी मजबूत करण्याचा संकल्प केला. trade-agreement-between-india-and-uae सौदी अरेबिया आणि यूएईमधील वाढत्या संघर्षामुळे एक नवीन सामरिक समीकरण जन्माला आले आहे. अमेरिकेतील बोस्टनच्या नॉर्थ ईस्टर्न यूनिव्हर्सिटीचे प्रोफेसर आणि अंतरराष्ट्रीय संरक्षण तज्ज्ञ मॅक्स अब्राहम्स यांनी असे म्हटले आहे की, पाकिस्तान-तुर्की-सौदी अरेबियाच्या आघाडीला टक्कर देण्यासाठी भारत-इस्रायल-यूएईला आपली आघाडी बळकट करावी लागेल. मात्र भारताच्या परराष्ट्र सचिव विक्रम मिसरी यांनी स्पष्ट केले की, यूएईसोबत संरक्षण व सुरक्षा कराराचा अर्थ असा नाही की भारत कोणत्याही क्षेत्रीय संघर्षात थेट सहभागी होणार आहे.

भारत-यूएईच्या या घनिष्ठ संबंधामुळे पाकिस्तानची चिंता वाढली आहे. व्यापारी आणि रणनितीक दोन्ही आघाड्यांवर भारत-यूएईला फायदा होत असल्यामुळे पाकिस्तान संभाव्य आव्हानांच्या भीतीत आहे. trade-agreement-between-india-and-uae अशा प्रकारे, हिंद महासागराच्या आसपासचे सामरिक नकाशे आता भारत-यूएईच्या एकत्रित धोरणांमुळे बदलत आहेत.