सोशल मीडियावर चर्चा 'गजनी' अभिनेत्री परत आली

Asin २००८ साली प्रदर्शित झालेल्या आमिर खानच्या सुपरहिट चित्रपट ‘गजनी’मधून बॉलिवूडमध्ये पदार्पण करणारी अभिनेत्री असिन आजही प्रेक्षकांच्या स्मरणात आहे. सौंदर्य, निरागस अभिनय आणि प्रभावी पडद्यावरील उपस्थितीमुळे तिने अल्पावधीतच लोकप्रियता मिळवली. दक्षिण भारतीय चित्रपटसृष्टीत यशस्वी कारकीर्द घडवल्यानंतर बॉलिवूडमध्ये आलेल्या असिनने अक्षय कुमार आणि सलमान खान यांच्यासारख्या सुपरस्टार्ससोबत हिट चित्रपट दिले. मात्र, लग्नानंतर तिने चित्रपटसृष्टीपासून पूर्णतः निवृत्ती घेत प्रसिद्धीपासून दूर राहणे पसंत केले.

 

 

आता, लग्नाच्या Asin १० वर्षांनंतर असिन पुन्हा एकदा चर्चेत आली आहे, पण यावेळी तिच्या व्यावसायिक आयुष्यामुळे नव्हे तर वैयक्तिक आयुष्यामुळे. असिन आणि तिचे पती राहुल शर्मा यांनी त्यांच्या विवाहाच्या दहाव्या वाढदिवसानिमित्त काही खास आणि यापूर्वी न पाहिलेले फोटो सोशल मीडियावर शेअर केले आहेत. हे फोटो राहुल शर्मा यांनी त्यांच्या एक्स (माजी ट्विटर) अकाउंटवरून पोस्ट केले असून ते अल्पावधीतच व्हायरल झाले आहेत.

 

 

 

शेअर करण्यात आलेल्या फोटोंमध्ये त्यांच्या लग्नसोहळ्याचे सुंदर क्षण दिसतात. एका छायाचित्रात असिन पांढऱ्या रंगाच्या लग्नाच्या गाऊनमध्ये खेळकर अंदाजात जीभ बाहेर काढताना दिसत आहे, तर तिच्या आजूबाजूला जवळच्या मैत्रिणी उपस्थित आहेत. दुसऱ्या फोटोमध्ये असिन आणि राहुल जेवणाच्या टेबलावर बसलेले दिसतात. या छायाचित्रांमध्ये असिनचा तोच चुलबुला आणि प्रसन्न स्वभाव दिसून येतो, ज्यामुळे चाहत्यांच्या आठवणींना उजाळा मिळाला आहे. राहुल शर्माने या फोटोंना “१० आनंदाची वर्षे…” असे साधे पण भावनिक कॅप्शन दिले आहे.

 

 

 

असिन आणि राहुल Asin शर्मा यांनी जानेवारी २०१६ मध्ये विवाह केला होता. त्यानंतर ऑक्टोबर २०१७ मध्ये त्यांच्या आयुष्यात मुलगी अरिनच्या रूपाने आनंदाची भर पडली. दरम्यान, २०२३ मध्ये दोघांच्या नात्यात दुरावा असल्याच्या आणि घटस्फोटाच्या अफवा पसरल्या होत्या. असिनने तिच्या इंस्टाग्राम अकाउंटवरून राहुलसोबतचे अनेक फोटो हटवल्यामुळे या चर्चांना अधिकच हवा मिळाली होती. मात्र, त्या वेळी असिनने सोशल मीडियावरूनच या सर्व अफवा निराधार आणि खोट्या असल्याचे स्पष्ट केले होते.आता, लग्नाच्या दहाव्या वाढदिवसानिमित्त समोर आलेले हे फोटो पाहता, त्या अफवांना पूर्णविराम मिळाल्याचे दिसून येते. असिन आणि राहुल यांचे नाते आजही मजबूत असून, दोघेही त्यांच्या कुटुंबासोबत आनंदी आयुष्य जगत असल्याचे या छायाचित्रांतून स्पष्ट होते. अनेक वर्षे प्रसिद्धीपासून दूर राहूनही असिनचे सौंदर्य आणि आकर्षण आजही तितकेच कायम असल्याची प्रतिक्रिया चाहत्यांकडून व्यक्त होत आहे.