बांगलादेशी विद्यार्थी नेत्याने दिली हिंदू पोलीस अधिकाऱ्याची हत्याची कबुली; VIDEO

murder-of-hindu-police-officer बांगलादेशातून समोर आलेल्या एका व्हिडिओमुळे देशातील कायदा आणि सुव्यवस्था आणि अल्पसंख्याकांच्या सुरक्षिततेवर गंभीर प्रश्न उपस्थित झाले आहेत. हा व्हिडिओ हबीगंज जिल्ह्यातील बानियाचोंग पोलीस ठाण्यातील असल्याचे सांगितले जात आहे. व्हिडिओमध्ये, एक बांगलादेशी विद्यार्थी नेता पोलीस ठाण्यात बसून उघडपणे हिंदू पोलीस अधिकाऱ्याची हत्या केल्याची कबुली देताना दिसत आहे. तो शक्तिशाली असल्याचा दावा करत पोलिसांना धमकावतो आणि स्टेशन जाळून टाकण्याची धमकी देतो.

 

 

हा व्हिडिओ तपास पत्रकार शाहिदुल हसन खोकन यांनी सोशल मीडिया प्लॅटफॉर्म एक्सवर शेअर केला. त्यांच्या मते, व्हिडिओमधील तरुण हा हबीगंज जिल्ह्याचा विद्यार्थी समन्वयक आहे. murder-of-hindu-police-officer व्हिडिओमध्ये, तो तरुण प्रभारी अधिकाऱ्यासमोर बसलेला दिसत आहे आणि जुलै २०२४ च्या उठावादरम्यान त्याने बानियाचोंग पोलीस ठाण्याला आग लावल्याची कबुली देतो. तो असेही म्हणतो की त्याच घटनेत हिंदू पोलीस अधिकारी उपनिरीक्षक संतोष भाभू यांना जाळण्यात आले होते.

वृत्तानुसार, जमावाला नियंत्रित करण्यासाठी उपनिरीक्षक संतोष भाभू आणि इतर पोलिसांनी स्वसंरक्षणार्थ गोळीबार केला. गोळीबारात तीन जण जागीच ठार झाले. अनेक जण जखमी झाले आणि नंतर उपचारादरम्यान एकाचा मृत्यू झाला. त्या रात्री सुमारे १ वाजता जमाव परतला आणि त्यांनी पोलिस स्टेशनला घेराव घातला. पोलिस आल्यावर जमावाने इतर पोलिसांच्या सुटकेच्या बदल्यात संतोष भाभूची मागणी केली. murder-of-hindu-police-officer पहाटे २:१५ वाजताच्या सुमारास संतोष भाभूला मारहाण करून ठार मारण्यात आल्याचे वृत्त आहे. त्यानंतर त्याचा मृतदेह रस्त्यावर फेकण्यात आला आणि दुसऱ्या दिवसापर्यंत त्याची विटंबना करण्यात आली. तथापि, व्हायरल व्हिडिओ आणि त्यात केलेले दावे स्वतंत्रपणे पडताळता आले नाहीत.