अरबी समुद्र खवळला; महाराष्ट्रात थंडीचा कडाका वाढणार

cold-in-maharashtra राज्यातील हवामानात पुन्हा एकदा मोठा बदल दिसून येत असून, येत्या काही दिवसांत थंडीचा जोर अधिक वाढण्याची शक्यता आहे. भारतीय हवामान विभागाने दिलेल्या अंदाजानुसार, पुढील २४ तासांत राज्यातील किमान तापमानात फारसा बदल होणार नाही, परंतु त्यानंतरच्या ४ दिवसांत तापमानात २ ते ३ अंशांची लक्षणीय घट होण्याची शक्यता आहे. यामुळे जानेवारीच्या सुरुवातीला राज्याला कडाक्याची थंडी अनुभवावी लागणार आहे.

 

 

हवामान तज्ज्ञांच्या मते, दक्षिण अरबी समुद्रात सायक्लोनिक सर्क्युलेशन तयार झाले आहे. हे सर्क्युलेशन श्रीलंकेच्या दिशेकडे सरकत असून, त्याचा परिणाम राज्याच्या हवामानावरही दिसून येईल. काही भागांमध्ये अंशत: ढगाळ वातावरण राहण्याची शक्यता असून, विशेषतः कोकणपट्ट्यात ढगाळ हवेचे वर्तणूक पाहायला मिळेल. उत्तर भारतातील कडाक्याच्या थंडीमुळे येणाऱ्या थंड वाऱ्यांचा थेट परिणाम महाराष्ट्रावर होत आहे. cold-in-maharashtra त्यामुळे विदर्भ, मराठवाडा आणि उत्तर महाराष्ट्रात थंडीचा कडाका अधिक तीव्र राहील. रात्री आणि पहाटेच्या वेळेस किमान तापमान ८–१० अंश सेल्सिअसपर्यंत खाली जाऊ शकते, ज्यामुळे नागरिकांना थंडीच्या कडक परिस्थितीशी सामना करावा लागेल.

तापमान घटल्यामुळे उत्तर महाराष्ट्र आणि विदर्भातील काही जिल्ह्यांमध्ये सकाळी दाट धुक्याची चादर दिसू शकते. मुंबई, पुणे आणि पश्चिम महाराष्ट्रातही किमान तापमानात घट होणार असल्याने गुलाबी थंडीचा अनुभव नागरिकांना येईल. आरोग्य विभागाने नागरिकांना विशेष सावधगिरी बाळगण्याचे आवाहन केले आहे. लहान मुले, वृद्ध व्यक्ती आणि आजारी लोकांनी घराबाहेर पडताना उबदार कपडे परिधान करावेत. cold-in-maharashtra तसेच, थंडीमुळे रब्बी हंगामातील पिकांवर परिणाम होण्याची शक्यता असल्याने शेतकऱ्यांनी योग्य काळजी घेण्याचे सुचवले आहे.