पाकिस्तानमधील हिंदू मुलाने संस्कृत श्लोक पठण करत म्हटले “जय श्री राम”

Hindu boy from Pakistan सोशल मीडियावर सध्या व्हायरल होत असलेला एक व्हिडिओ प्रेक्षकांना चकित करीत आहे. या व्हिडिओमध्ये पाकिस्तानातील एका हिंदू मुलाने संस्कृत श्लोक अत्यंत निपुणतेने पठण करताना उत्साहाने "जय श्री राम" देखील म्हटले. व्हिडिओ सोशल मीडिया प्लॅटफॉर्म इंस्टाग्रामवर मोठ्या प्रमाणावर शेअर केला जात आहे आणि यावर प्रेक्षकांचे कौतुक होत आहे.

 

 

व्हिडिओमध्ये मुलगा शिक्षकासमोर न थांबता अनेक संस्कृत श्लोक पठण करतो आणि त्यानंतर उत्स्फूर्तपणे "जय श्री राम" म्हणतो. शिक्षकही त्याचे कौतुक करतात. अनेक सोशल मीडिया वापरकर्त्यांनी या पाकिस्तानी हिंदू मुलाच्या प्रतिभेची आणि संस्कृतीप्रती असलेल्या श्रद्धेची प्रशंसा केली. हा व्हिडिओ हरिचंद परमार ऑफिशियल या पेजवरून पोस्ट करण्यात आला आहे. हरिचंद परमार स्वतःला पाकिस्तानी हिंदू म्हणून ओळखतात आणि बहुतेक वेळा पाकिस्तानच्या सिंध प्रांतातील उमरकोट येथून व्हीलॉग पोस्ट करतात. ते त्यांच्या व्हीलॉगमध्ये पाकिस्तानातील हिंदूंच्या जीवन आणि संस्कृतीबद्दल माहिती देतात. व्हिडिओ सोशल मीडियावर मोठ्या प्रमाणावर शेअर होत असून, पाकिस्तानातील हिंदूंच्या संस्कृती आणि शिक्षणाबाबत जागतिक स्तरावर सकारात्मक चर्चा सुरू केली आहे.