नवरात्रोत्सवाच्या तयारीला गालबोट

ahilyanagar pandal collapse अहिल्यानगर शहरात नवरात्रोत्सवाची जोरदार तयारी सुरू असतानाच एक दुर्दैवी घटना घडली आहे. पाईपलाईन रोडवरील श्री तुळजाभवानी मंदिराजवळ रस्त्यावर उभारण्यात आलेला लोखंडी मंडप अचानक कोसळल्याने दुर्घटना घडली. या घटनेत एका लहान मुलासह वयोवृद्ध व्यक्ती गंभीर जखमी झाली असून, दोघांवरही परिसरातील खासगी रुग्णालयात उपचार सुरू आहेत.

 

 

मिळालेल्या माहितीनुसार, मंडप उभारण्याच्या कामात हलगर्जीपणा झाल्यामुळे ही दुर्घटना घडल्याचा आरोप स्थानिक नागरिकांनी केला आहे. भर रस्त्यात उभारण्यात आलेला लोखंडी मंडप योग्य पद्धतीने बांधण्यात आला नसल्याने तो अचानक कोसळल्याचे नागरिकांचे म्हणणे आहे. या घटनेमुळे परिसरात चिंता व्यक्त केली जात आहे.

या दुर्घटनेनंतर सार्वजनिक ठिकाणी उभारण्यात येणाऱ्या मंडप आणि स्वागत कमानींच्या सुरक्षेचा प्रश्न पुन्हा एकदा ऐरणीवर आला आहे. महानगरपालिकेची आवश्यक परवानगी न घेताच काही ठिकाणी मंडप उभारले जात असल्याचा आरोपही नागरिकांकडून करण्यात येत आहे.

भविष्यात अशा ahilyanagar pandal collapse दुर्घटना टाळण्यासाठी शहरातील सर्व मंडपांची तातडीने सुरक्षा तपासणी करावी, नियमांचे उल्लंघन करणाऱ्यांवर कठोर कारवाई करावी आणि जखमींच्या उपचारांची जबाबदारी संबंधितांनी घ्यावी, अशी मागणी अहिल्यानगरकरांकडून केली जात आहे. नवरात्रोत्सवाच्या पार्श्वभूमीवर नागरिकांच्या सुरक्षिततेसाठी प्रशासनाने योग्य ती खबरदारी घेण्याची गरज व्यक्त होत आहे.